Mumbai Crime : मुंबईमधून एक धक्कादायक घटना समोर येत आहे. अंधेरीतील हॉटेलमध्ये 17 वर्षांच्या मुलीला चित्रपटात काम करण्याची ऑफर देण्याच्या बहाण्याने तिचा विनयभंग केल्याचा धक्कादायक प्रकार उघडकीस आला आहे. याप्रकरणी डीएन नगर पोलिसांनी मंगळवारी एका 40 वर्षीय गुजराती चित्रपट अभिनेता आणि निर्मात्याला विनयभांगाच्या आरोपाखाली अटक केली असून मुलांचे लैंगिक गुन्ह्यांपासून संरक्षण (पोक्सो) कायद्यांतर्गत गुन्हा दाखल करण्यात आला आहे.
मिळालेल्या अधिक माहितीनुसार, अल्पवयीन पिडीत मुलगी ही मुलाची गुजरातची रहिवासी आहे. आरोपीही मूळचा गुजरातचा असून तो सध्या अंधेरीत राहतो. आरोपीची पीडितेच्या काकांशी ओळख होती. आपल्याला चित्रपटात काम करण्याची संधी मिळेल या आशेने तरुणीने आरोपीला आपली ओळख करून दिली होती. अंधेरीतील हॉटेलच्या खोलीत एकटी असलेल्या मुलीचा फायदा घेत आरोपीने तिचा विनयभंग केला. अल्पवयीन मुलीच्या तक्रारीनंतर, पोलिसांनी गुन्हा दाखल केला असून आरोपीला अटक करण्यात आली आहे.
