Dark Circle Problem : जास्त वेळ जागे राहिल्याने किंवा तणावामुळे डोळ्यांखाली काळी वर्तुळे येतात. त्यामुळे सामान्य चेहराही खराब दिसू लागतो. अगदी लहान वयातही चेहरा म्हातारा दिसतो. अशा परिस्थितीत, जर तुम्ही देखील काळ्या वर्तुळांपासून मुक्त होण्यासाठी नैसर्गिक उपाय शोधत असाल तर हा लेख तुमच्यासाठी. येथे दिलेल्या उपायांच्या मदतीने तुम्ही कायमचे मुक्त व्हाल.
यामुळे काळी वर्तुळे होतील दूर
जर तुम्हाला घरच्या घरी नैसर्गिकरित्या काळी वर्तुळे काढायची असतील तर त्यासाठी कोरफडीचे जेल आणि काकडी आणा. या दोन गोष्टींमुळे तुमच्या डोळ्यांखालील काळी वर्तुळे कधी दूर होतील हे तुम्हाला कळणार सुधा नाही.
असा करा वापर
सर्व प्रथम, एक वाडगा घ्या, काकडी सोलून त्या वाडग्यात टाका आणि त्यामध्ये कोरफड जेल मिसळा. नंतर चमच्याच्या मदतीने चांगले मिसळून त्याची पेस्ट तयार करा. आता बोटांच्या मदतीने ही पेस्ट डोळ्यांखाली लावा. ही पेस्ट डोळ्यांखाली 30 मिनिटे राहू द्या. आता स्वच्छ सुती कापड घ्या आणि पेस्ट स्वच्छ करा. रोज रात्री झोपण्यापूर्वी हा हॅक करा, आठवड्याभरात तुम्हाला त्याचा परिणाम दिसू लागेल. पण ही पेस्ट लावताना डोळ्यांच्या आत जाऊ नये याची काळजी घ्या.
म्हणूनच कोरफड, काकडीचे मिश्रण वापरतात
कोरफडमध्ये जीवनसत्त्वे ए, सी आणि बी असतात, जे त्वचेला नैसर्गिक चमक टिकवून ठेवण्यासाठी आवश्यक असलेले सर्व पोषण प्रदान करतात. यासोबतच यामध्ये अँटीऑक्सिडेंट आणि अँटी-बॅक्टेरियल गुणधर्म देखील असतात. तर काकडी त्वचेला खोलवर स्वच्छ करण्याचे काम करते.
