Parenting Tips : प्रत्येक पालकाला आपल्या मुलाचे चांगले संगोपन करायचे असते, जेणेकरून भविष्यात तो स्वावलंबी होईल आणि स्वतःची आणि इतरांची काळजी घेऊ शकेल. मुलाला स्वावलंबी बनवणे महत्त्वाचे आहे, कारण कोणावर तरी अवलंबून राहणे, मग ते मानसिक असो वा शारीरिक, तुम्हाला अपंग बनवते. अशा परिस्थितीत, जर तुम्हाला मुलाने सुरुवातीपासूनच स्वावलंबी बनवायचे असेल, तर त्याला लहानपणापासूनच काही गोष्टी शिकवा, जेणेकरून तुम्हाला भविष्यात समस्यांना सामोरे जावे लागणार नाही.
स्वावलंबी म्हणजे काय?
स्वावलंबी व्यक्ती आपल्या कोणत्याही निर्णयासाठी कोणावरही अवलंबून नसते. तो स्वतःला आधार देतो. मेहनतीच्या जोरावर तो प्रगती साधतो. अशी व्यक्ती कोणाकडेही आपले मत मांडण्यास घाबरत नाही. त्यामुळे त्याचा आत्मविश्वास वाढतो.
मुलासाठी स्वावलंबी असणे महत्त्वाचे का आहे?
हे मुलांना सुरुवातीपासूनच शिकवले तर अशी मुले भविष्यात चांगली प्रगती करतात. मूल स्वतःहून निर्णय घ्यायला शिकतात. त्या काळात ते योग्य आणि अयोग्य यातील निवड करतात. प्रत्येक कामासाठी तो कोणावरही अवलंबून राहत नाही.
मुलाला स्वावलंबी कसे बनवायचे?
मुलाला स्वावलंबी बनवायचे असेल तर आधी त्याला त्याचे काम स्वतः करू द्या. मात्र, ते करताना त्यांच्यावर लक्ष ठेवा. शाळेत आल्यानंतर मुलाला त्याचे बूट आणि मोजे काढून योग्य ठिकाणी ठेवू द्या. त्यांना अशी छोटी-छोटी कामे स्वतः करायला शिकवा.
घरातील कामात सहभागी करून घ्या
घरातील कामातही मुलाला सहभागी करून घ्या. आपल्या मुलाला लहानपणापासूनच स्वयंपाकघरात मदत करणे शिकवा, जेणेकरून नंतर आपल्याला प्रत्येक गोष्टीसाठी बोलण्याची गरज पडणार नाही.
लोकांसमोर आपली मते मांडणे
आपल्या मुलाने चांगले वागावे अशी प्रत्येक पालकाची इच्छा असते, त्यामुळे मुलाला नेहमी चांगले वागायला शिकवा आणि त्याला खुलेपणाने आपले मत मांडण्याची संधी द्या.
मुलांना एकट्याने खेळूद्यात
बाळाची काळजी प्रत्येकाला असते. त्यामुळे बाळ पडेल, रडेल म्हणून त्याला एकटं सोडलं जात नाही. पण, लक्षात घ्या, या वयापासूनच मुलं एकट्याने खेळायला, मित्रांच्या घरी जायला, दुकानात जायला शिकलीत तर ते त्यांना धाडसी बनवतं. खेळताना पडलं तर पडू द्या, पण त्यानंतर तो स्वत:च उठेल, त्यासाठी त्याला प्रोत्साहन द्या.
मुलांनाही प्रश्न विचारू द्यात
तुम्ही बाळासमोर खेळणी टाकली अन् त्याला खेळ म्हटलं तर तो थोड्याच वेळात कंटाळतो. तुम्ही काय करत आहात, त्या कामात तो तुम्हाला मदत करायला येतो. कोणतंही काम करताना मुलांना प्रश्न विचारा. त्यांनीही तुम्हाला प्रश्न विचारले पाहिजेत, असं सांगा. मुलं काहीतरी विचार करून स्वत:च प्रश्न विचारायला लागले की त्याला उत्तर द्या. कधीकधी वाटेल की मुलाचे प्रश्न संपतच नाहीत. पण तो प्रश्न विचारतो यातून तो बऱ्याच गोष्टी शिकतो हे लक्षात घ्या.
