Health Tips : चांगल्या खाण्याच्या सवयी आणि जीवनशैलीसोबतच चांगली झोप ही आरोग्यासाठी खूप महत्त्वाची आहे. 7-8 तासांची झोप आरोग्यासाठी फायदेशीर असल्याचे आरोग्य तज्ज्ञ अनेकदा सांगतात. यापेक्षा कमी झोप घेतल्यास अनेक गंभीर आजारांचा धोका वाढतो. आजकाल प्रत्येक व्यक्तीच्या आयुष्यात इतकी धांदल उडाली आहे की त्यांना झोपायला वेळच मिळत नाही.
आरोग्य तज्ज्ञांच्या मते, 7-8 तासांची झोप खूप महत्त्वाची आहे. अनेक संशोधनांमध्ये हे सिद्ध झाले आहे की कमी झोपेमुळे शरीरात अनेक प्रकारचे आजार होऊ लागतात. जे लोक कमी झोपतात किंवा ज्यांना कमी झोप येते. त्यांनी त्यांच्या आरोग्याची विशेष काळजी घेणे आवश्यक आहे. कारण जर तुम्ही तुमच्या शरीराला पाहिजे तेवढी विश्रांती दिली नाही तर तुम्हाला अनेक समस्यांना सामोरे जावे लागू शकते.
वजन वाढण्याची समस्या
जर एखादी व्यक्ती 6 तासांपेक्षा कमी झोपली तर त्याला अनेक आजार होतात. उदाहरणार्थ, लठ्ठपणा आणि मधुमेह यांसारख्या आजारांचा धोका वाढतो. झोप कमी झाल्यास शरीरात कॉर्टिसॉल आणि लेप्टिन नावाच्या हार्मोन्सची पातळी वाढते. त्यामुळे जास्त भूक लागते. आणि यामुळे लठ्ठपणा आणि मधुमेह होतो.
कमकुवत प्रतिकारशक्ती
शरीराला आवश्यक तेवढी झोप न मिळाल्यास रोगप्रतिकारक शक्ती कमकुवत होते. यामुळे बॅक्टेरिया तसेच संसर्गाशी लढण्याच्या क्षमतेवर थेट परिणाम होईल. ज्यांच्या खाण्याच्या सवयी, झोप आणि जीवनशैली चांगली असते. त्याची रोगप्रतिकारशक्तीही व्यवस्थित काम करते. जर तुम्ही वारंवार आजारी पडत असाल तर ते झोपेच्या कमतरतेमुळे असू शकते.
स्मरणशक्तीवर परिणाम
झोप कमी झाल्यास त्याचा थेट परिणाम मेंदूवर होतो. झोपेच्या कमतरतेमुळे शरीरात सूज येऊ लागते हे अनेक संशोधनांमध्ये सिद्ध झाले आहे. हे घडते कारण धोकादायक प्रथिने शरीरातून बाहेर पडू शकत नाहीत. ज्याचा थेट परिणाम स्मरणशक्तीवर होतो. त्यामुळे मेंदूशी संबंधित अनेक आजारांचा धोका वाढतो.
प्रत्येक व्यक्तीला झोप गरजेची
झोप आणि आरोग्य यांचा फार जवळचा संबंध आहे. अपुऱ्या झोपेमुळे शारीरिक आणि मानसिक अशा विविध समस्या जडतात. तसंच यामुळे आपली कार्यक्षमता आणि आरोग्य खालावते. प्रत्येकाला आपल्या वय, प्रकृतीनुसार आवश्यक असणाऱ्या झोपेचे प्रमाण कमी-अधिक आहे. आवश्यकतेनुसार झोप न मिळाल्यास त्याचे शरीरावर दुष्परिणाम होण्याची शक्यता आहे.
- नवजात बाळ (३-११ महिने) – कमीत कमी १४-१५ तास
- १२-३५ महिन्यांचे बाळ- १२-१४ तास.
- ३-६ वर्षांचे मुल- ११-१३ तास
- ६-१० वर्षांचे मुल- १०-११ तास
- ११-१८ वर्षात- ९:३० तास
- मध्यम वयात- ८ तास
- वृद्ध- ८ तास
