पुणे प्राईम न्यूज डेस्क : पावसाची चाहूल लागताच आपण छत्री, रेनकोट, पावसाळी चप्पल याची सोय करण्यास सुरुवात करतो. पावसाळा हा कडक उष्णतेपासून दिलासा देणारा असला तरी ओलसर हवामानामुळे केस आणि टाळूच्या अनेक समस्या उद्भवू शकतात. त्यामुळे पावसात भिजल्यावर केसांची काळजी घेण्यासाठी तुम्ही पुढील काही पर्यायांचा उपयोग करून पाहू शकता.
पावसाळ्यात केसांची काळजी घेण्यासाठी या काही टिप्स जाणून घ्या…
– आपले केस निरोगी ठेवण्यासाठी पावसाळ्यात पौष्टिक आहार घेणेही गरजेचे आहे. अंडी, अक्रोड, दुग्धजन्य पदार्थ आणि संपूर्ण धान्य यांसारख्या प्रथिनेयुक्त पदार्थांसह हिरव्या भाज्यांचा आहारात समावेश करा.
– पावसाळ्यात वाढलेली आर्द्रता आणि टाळू ओलेपणामुळे कोंडा वाढू शकतो. कडुलिंबाचे तेल , लिंबाचा रस, चहाच्या झाडाचे तेल यासारखे नैसर्गिक उपाय प्रभावी ठरू शकतात.
– पावसाळ्यात वातावरणातील आर्द्रतेचे प्रमाण वाढते ; ज्यामुळे तुमचे केस खराब होतात आणि ते कुरळे दिसू लागतात. केस कुरळे होऊ नये म्हणून घराबाहेर पडण्यापूर्वी हेअर सीरम लावा.
– पावसाळ्यात जास्त आर्द्रतेमुळे तुमचे केस ठिसूळ आणि चिकट होऊ शकतात. यामुळे केस विचारताना तुटू शकतात हे टाळण्यासाठी केस विंचरताना कंगवा वापरा.
– खोबरेल तेलाने तुमच्या टाळूची मालिश करा. खोबरेल तेलात पौष्टिक गुणधर्म आहेत; जे केसांना हायड्रेट ठेवण्यास मदत करतात आणि केसांचा कोरडेपणा टाळण्यास मदत करतात.
– पावसाळ्यात बाहेर पडताना केसांची वेणी किंवा एखादी हेअर स्टाईल करा. म्हणजे पावसाळ्यात केस भिजणार नाहीत.
– पावसाचे पाणी, जरी स्वच्छ दिसत असले तरी, त्यात प्रदूषक असू शकतात जे तुमचे केस कमकुवत करू शकतात आणि खराब करू शकतात. जर तुमचे केस पावसात भिजत असतील तर तुम्ही घरामध्ये आल्यावर ते स्वच्छ पाण्याने धुवा. पावसाच्या पाण्याची आम्लता तुमच्या स्कॅल्पच्या पीएचमध्ये गडबड करू शकते, ज्यामुळे केसांच्या समस्या उद्भवू शकतात.
