Parenting Tips : तुमच्या मुलांना मोबाईल दाखवून खायला घालणे तुमच्यासाठी सोपे काम असेल, पण मोबाईलचा मुलाच्या मनावर आणि मेंदूवर खूप वाईट परिणाम होतो. एका अभ्यासानुसार, 2 वर्षांखालील 90 टक्के मुले स्मार्टफोन पाहताना जेवण करतात. बहुतेक आई आपल्या मुलाने जेवण खाल्लं माही तर, मोबाईल हातात देतात. प्रत्येक मुलांच्या आईना वाटते की आपल काम सोपं होईल.
बंगळुरूमधील एका आयटी कंपनीत काम करणारी निधी राज दीड वर्षाच्या मुलाची आई आहे. त्यांनी सांगितले की, जेवताना आपल्या मुलांना मोबाईल देऊ नये यासाठी ती सर्वतोपरी प्रयत्न करत आहे. २ – ४ दिवस ती मुलाला मोबाईल देत नाही, तेव्हा मुलामध्ये बरेच बदल दिसून येतात. तो स्वतः खूप नवीन गोष्टी शिकतो. तुम्हीही तुमचे काम सोपे करण्यासाठी असे करत असाल तर सावधान. ही हळूहळू मुलाची सवय होऊ शकते आणि त्याचे शारीरिक आणि मानसिक आरोग्य पूर्णपणे बिघडू शकते.
मुलांवर काय परिणाम होतो?
- जेव्हा एखादा मुलगा मोबाईल बगून जेवण करतो तेव्हा त्याला किती भूक लागली आहे हे समजत नाही आणि फक्त खात राहतो, ज्यामुळे मुल कधीकधी जास्त खातो आणि आजारी पडण्याची शक्यता असते.
- मोबाईल पाहत मुलांना जेवताना मजा येत असेल मात्र त्याला अन्नाची चव कळू शकणार नाही. कितीतरी वेळा त्याने काय खाल्ले ते त्याच्या लक्षातही राहणार नाही.
- मोबाईलशी मैत्री झाल्यानंतर त्याला पालक नको असतात. आई त्याला दूध पाजत असताना तो तिच्याकडे बघतही नाही, तर मोबाईलवर स्क्रोल करतो, जो त्याच्या मानसिक विकासासाठी मारक ठरतो.
- मुलाची पचन क्रिया देखील कमकुवत बनते, कारण तो अन्न चघळत नाही तर तोंडात टाकताच गिळतो. त्यामुळे त्याची पचनशक्ती कमकुवत होते.
- एवढंच नाही तर जेव्हा एखादा मुलगा फोन जवळून पाहतो तेव्हा त्याचे डोळे कमजोर होतात आणि त्याचा मेंदूवरही वाईट परिणाम होतो.
- मोबाईल बघितल्यामुळे तो बाहेरच्या गोष्टींपासून दूर होतो. तो जे काही शिकतो ते मोबाईलवरूनच शिकतो. त्याला सामाजिक गोष्टी शिकण्याची संधी मिळत नाही.
अशी मोडा मुलांची सवय ?
- पालक जर मुलांसमोर सतत मोबाईल वापरत असतील किंवा जेवताना त्यांच्या हातात मोबाईल असेल तर मुलंही तेच बघतील आणि शिकतील. म्हणून आधी स्वतःला सुधारा.
- जेवणात नेहमी काहीतरी नवीन करून पाहा, जेणेकरून मुलांनाही त्याचा आनंद मिळेल आणि जेवणाचा आनंद लुटता येईल.
- त्यांना अन्नाशी खेळू द्या, जेणेकरून त्यांना अन्नाविषयीच्या गोष्टी समजतील.
- जेवणाच्या वेळी मुलांशी संवाद साधा, त्यांना वेगवेगळे रंग दाखवा आणि त्यांना अन्नाबद्दल विचारा. यामुळे त्यांना खाण्यात मजा येईल आणि चव, रंग, सुगंध आणि अन्न ओळखता येईल.
- याशिवाय असं म्हटलं जातं की गरोदरपणात तुम्ही जे काही करता त्याचा परिणाम मुलावर होतो आणि तो त्याच गोष्टी जास्त करतो. अशा स्थितीत गरोदरपणात गॅजेट्स किंवा स्क्रीनचा वापर कमीत कमी करा.
