हडपसर : शिक्षणाच्या माध्यमातून तरुणांनी आकाशाला गवसणी घातली आहे. उच्चशिक्षित झालेले तरुण देश-विदेशात नोकरी करून आपल्या भारत देशाचा डंका परदेशात गाजवीत आहेत. तसेच तरुणांनी उच्च शिक्षण घेऊन समाजाची व देशाची प्रगती करावी. असे प्रतीपादन शिवसेना जिल्हा प्रमुख विजय देशमुख यांनी केले आहे.
अमेरिकेत हेल्थ इन्सुरन्स कंपनीतील संगणक अभियंता या पदावर काम करणाऱ्या सचिन वसंतराव डोफे यांचा हडपसर येथे सोमवारी (ता. १०) सत्कार करण्यात आला. यावेळी बोलताना वरील प्रतिपादन देशमुख यांनी केले. यावेळी सामाजिक कार्यकर्ते जगन्नाथ मन्नाळे अनिकेत सपकाळ, ओम लोंढे, बलभीम थोरात, अशोक राजपूत आदी मान्यवर मोठ्या संख्येने उपस्थित होते.
सचिन डोफे हे गेली चार वर्षापासून सीव्हीएस हेल्थ इन्सुरन्स कंपनीतील मुख्य संगणक अभियंता म्हणून काम करतात. त्यांनी कंपनीत एज्युकेशन सॉफ्टवेअर आणि इन्शुरन्स ऑनलाइन सिस्टीम बनविण्यासाठी महत्वपूर्ण योगदान दिले आहे. भारतातील तरुणाने केलेली प्रगती हि खूप कौतुकास्पद आणि अभिमानास्पद आहे.
