यवतमाळ : यवतमालमधून भीषण अपघाताची बातमी समोर येत आहे. पोहरादेवी येथे नवस फेडायला जाणाऱ्या वाहनाचा बेलगव्हान घाटात अपघात झाला आहे. या अपघातात पाच जण ठार तर ११ जण गंभीर जखमी झाले आहेत. या घटनेतील जखमींवर मेडिकेअर रुग्णालयात उपचार सुरु असल्याची माहिती पाेलिसांनी दिली.
यवतमाळ जिल्ह्यातील पुसद दिग्रस मार्गावरील बेलगव्हान घाटातील लोकनायक बापूजी अणे स्मृती स्थळ नजीक मालवाहू वाहनाचा अपघात झाला. हा अपघात घडताच वाहनातील प्रवाशांच्या परिसरातील नागरिकांना किंचाळ्या कानावर पडल्या.
चालकाचे वाहनावरील नियंत्रण सुटल्याने हा अपघात झाल्याची प्राथमिक माहिती आहे. दरम्यान घटनेतील जखमींची विचारपूस करण्यासाठी आणि मदतीसाठी मेडिकेयर रुग्णालयात आमदार इंद्रनील नाईक आणि आमदार निलय नाईक यांनी धाव घेतली.
