अजित जगताप
( Women’s Day Special ) सातारा (वडूज) : जागतिक महिला दिनानिमित्त (Women’s Day)भारतीय जनता पार्टीतर्फे ”होम मिनिस्टर खेळ,,, मनोरंजनाचा खेळ पैठणीचा’ या कार्यक्रमाचे आयोजन करण्यात आले. या कार्यक्रमाला परिसरातील महिलांना मोठा प्रतिसाद मिळाला.
महिला दिनाच्या निमित्ताने होम मिनिस्टर कार्यक्रमाचे आयोजन…
जिल्हा अध्यक्ष जयकुमार गोरे व भाजप महिला आघाडी प्रमुखसोनिया गोरे यांनी कार्यक्रमाचे आयोजन केले होते. क्रांतीज्योती सावित्रीबाई फुले यांच्या पुण्यतिथीनिमित्त फुले व राजमाता जिजाऊ यांच्या प्रतिमेला पुष्पहार घालून कार्यक्रमाची सुरुवात करण्यात आली.
गोरे म्हणाल्या, ‘वडूज नगरीच्या विकासासाठी महाराष्ट्र राज्याच्या अर्थसंकल्पामध्ये आमदार जयकुमार गोरे यांनी अपेक्षा पेक्षा जास्त आर्थिक निधी उपलब्ध करून घेतला आहे. यापुढेही निधी उपलब्ध करण्यासाठी गोरे प्रयत्नशील राहतील.”
यावेळी नगरअध्यक्षा मनीषा रवींद्र काळे, शैलजा साळुंखे, मोर्चा आघाडीच्या अध्यक्ष वृशाली, रोमन, शितल अमोल गोडसे, नगरसेविका रेखा अनिल माळी, नगरसेविका रेश्मा श्रीकांत बनसोडे, माजी नगरसेविका शोभा सचिन माळी, माजी उपनगराध्यक्षा किशोरी अजित पाटील आदी महिला इतर पदाधिकारी व कार्यकर्ते मोठ्या संख्येने उपस्थित होते.
या प्रसंगी विविध प्रकारच्या खेळांच्या स्पर्धा आयोजित करण्यात आल्या होत्या. स्पर्धेच्या विजेता महिलांना बक्षीस म्हणून पैठणी साडी देऊन त्यांचा सत्कार करण्यात आला. सर्व महिलांना भेट म्हणून वाण देण्यात आला. तसेच महिला दिनाच्या शुभेच्छा देण्यात आल्या.
अधिक बातम्या वाचण्यासाठी येथे क्लिक करा…
प्रिंट व डिजिटल मीडिया पत्रकार संघाच्या सातारा जिल्हाध्यक्षपदी सचिन मोरे यांची नियुक्ती
महिला दिन विशेष : सातारा जिल्हा राष्ट्रीय काँग्रेसच्या पहिल्या महिला जिल्हाध्यक्ष : श्रीमती देशमुख
