पुणे : दुबईहून तेल अवीव (इस्रायल) कडे उड्डाण करणाऱ्या ‘फ्लायदुबई’च्या विमानातील ओमानी को-पायलटने उड्डाणादरम्यान भारतीय मुख्य पायलट स्मित मच्छार यांच्यावर अचानक हल्ला केल्याची घटना घडली होती. आता युएईच्या अटार्नी जनरलने या प्रकरणी केलेल्या तपासात अत्यंत धक्कादायक माहिती समोर आली आहे.
ओमानी को-पायलट अल हम्मामी 2015 ते 2017 दरम्यान ऑस्ट्रेलियातील मेलबर्नमधील आरएमआयटी विद्यापीठात शिक्षण घेत होता. तेथेच तो जहालवादी विचारसरणीच्या संपर्कात आला. 2001 मधील 9/11 च्या दहशतवादी हल्ल्याने प्रेरित होऊनच त्याने पायलट बनण्याचा मार्ग निवडला होता.त्याने ऑनलाइन माध्यमातून दहशतवादी साहित्य आणि आत्मघाती हल्ल्यांचे व्हिडीओ पाहून स्वतःचे ब्रेनवॉशिंग केले होते.
यासाठीच त्याने सुरुवातीला ओमान एअर, रॉयल एअर आणि मॉरक्कन एअरलाइन्समध्ये काम केल्यानंतर फ्लायदुबई कंपनी निवडली. तेल अवीवकडे जाणारे विमान लक्ष्य करणे सोपे जावे म्हणून त्याने ही विशेष योजना आखली होती.यापूर्वी दोन वेळा तेल अवीवच्या मार्गावर पाहणी केल्यानंतर त्याने तिसऱ्या उड्डाणात हा हल्ला करण्याचा कट आखला होता.
मात्र सुदैवाने भारतीय पायलट स्मित मच्छार यांच्या प्रसंगावधानता आणि धैर्यामुळे एक मोठा आंतरराष्ट्रीय दहशतवादी कट उधळला गेलाआणि 180प्रवाशांचे प्राण देखील वाचले.
