लोणी काळभोर, (पुणे) : लोणी काळभोर (ता. हवेली) येथील विजय बबनराव काळभोर यांना ‘क्रांतिसूर्य उत्कृष्ट पत्रकार’ पुरस्कार जाहीर करण्यात आला आहे.
परिवर्तन सामाजिक संस्था महाराष्ट्र यांच्यावतीने दरवर्षी ‘क्रांतिसूर्य उत्कृष्ट पत्रकार’ हा पुरस्कार देण्यात येतो. विजय काळभोर हे मागील चार वर्षांपासून दैनिक पुण्यनगरी वर्तमानपत्रात प्रतिनिधी म्हणून काम करत आहेत. त्यांनी पत्रकारिता क्षेत्रात कार्यरत असताना अनेक विषयांना वाचा फोडून सर्वसामान्य नागरिकांना न्याय देण्याचा कायम प्रयत्न करीत आहेत. त्यांनी लेखणीच्या माध्यमातून समाजात जनजागृती केली आहे.
दरम्यान, विजय काळभोर यांच्या कार्याची दाखल घेऊन परिवर्तन सामाजिक संस्था महाराष्ट्र संस्थेने यंदाचा ‘क्रांतिसूर्य उत्कृष्ट पत्रकार’ जाहीर केला आहे. वानवडी (पुणे) येथील महात्मा फुले सांस्कृतिक भवनात रविवारी (ता.२७, नोव्हेंबर) काळभोर यांना हा पुरस्कार देण्यात येणार आहे. अशी माहिती परिवर्तन सामाजिक संस्थेचे संस्थापक अध्यक्ष महादेव वाघमारे यांनी दिली.
