Uttar Pradesh Crime: उत्तर प्रदेशातून एक धक्कादायक घटना समोर आली आहे. 17 वर्षांच्या मुलीची तिच्याच प्रियकराने निर्घृण हत्या (Murder) केल्याचे उघड झाले आहे. या प्रकरणामुळे प्रयागराज जिल्ह्यात मोठी खळबळ उडाली आहे. खुनानंतर आरोपीने मुलीचा मृतदेह (DeathBody) बागेत पुरून (Decomposed) ठेवला होता. पोलिसांना माहिती मिळताच ते तात्काळ घटनास्थळी पोहोचले आणि प्राथमिक तपासानंतर आरोपीवर गुन्हा नोंदवण्यात आला. (Uttar Pradesh Crime)
हेही वाचा- गुंडांना जामीन आणि नेत्यांना जमीन? पुण्यात ‘कोयता गँग’ची Video शेअर करत, रोहित पवारांचा सवाल
मिळालेल्या माहितीनुसार, प्रयागराज येथील लखराव गावातील 17 वर्षीय मुलीची हत्या झाली होती. या प्रकरणी तिचा प्रियकर हर्षवर्धन सिंह हा आरोपी आहे. हर्षवर्धन सैन्यदलात कार्यरत आहेत. साक्षी बेपत्ता झाल्याची माहिती मिळताच पोलीस पथक आणि श्वानपथक घटनास्थळी दाखल झाले. श्वानांच्या मदतीने मातीखालून मृतदेह आढळून आला. माती खणताना एका हाताचा भाग दिसून आला. घटनास्थळावरून साक्षीचा कुजलेला मृतदेह बाहेर काढण्यात आले. त्या ठिकाणी साक्षीची बॅग व काही वस्तू फाटलेल्या अवस्थेत पडल्या होत्या. पोलिसांनी ते साहित्य ताब्यात घेतल्यावर बॅगेवर हर्षवर्धन सिंह हे नाव आढळले, त्यामुळे तपासाला वेग आला.
सीसीटीव्हीमध्ये मिळाले ठोस पुरावे
पोलिसांनी तांत्रिक तपास सुरु करत परिसरातील सर्व सीसीटीव्ही फुटेज हाती घेतले. साक्षी ही हर्षवर्धनच्या मोटारसायकलवर बसलेली दिसून आली. या स्पष्ट पुराव्यांच्या आधारे पोलिसांनी हर्षवर्धनला ताब्यात घेतले. चौकशीदरम्यान त्याने गुन्ह्याची कबुलीही दिली.
लग्न ठरल्याने वाढला वाद
साक्षी आणि हर्षवर्धनची ओळख सोशल मीडियावर झाली होती आणि त्यातून त्यांच्यात प्रेमसंबंध निर्माण झाले. मात्र काही दिवसांपूर्वी हर्षवर्धनचे लग्न ठरल्याचे समजताच साक्षीने त्याला विरोध केला. साक्षीने अनेकदा त्याला समजवण्याचा प्रयत्न केला. या कारणावरून दोघांमध्ये सातत्याने वाद होऊ लागले. रागाच्या भरात त्याने हे पाऊल उचलले आहे.
10 नोव्हेंबर रोजी हर्षवर्धनने साक्षीला भेटायला बोलावले. मोटारसायकलवर बसवून तिला एका बागेत नेले आणि तिथे तिची हत्या केली. गुन्हा लपवण्यासाठी त्याने मृतदेह मातीमध्ये पुरला.
पोलिसांनी मृतदेह शवविच्छेदनासाठी पाठवला असून आरोपीवर गुन्हा दाखल केला. परिसरात या घटनेमुळे भीतीचे वातावरण निर्माण झाले आहे.
