Uruli kanchan News उरुळी कांचन , ता. ३ : येरवडा कारागृहातून थरारक पळ काढून तब्बल सहा वर्षे पोलिसांना गुंगारा देणारा ‘मोक्का’खालील कुख्यात आरोपीलाअखेर पुणे ग्रामीण दहशतवाद विरोधी पथकाच्या (एटीएस) हाती लागला आहे. उरुळी कांचन (ता. हवेली) परिसरातून शिताफीने केलेल्या या कारवाईमुळे गुन्हेगारी जगतात खळबळ उडाली असून, पोलिसांच्या सातत्यपूर्ण पाठपुराव्याला मोठे यश मिळाले आहे. Uruli kanchan News
अजिंक्य उत्तम कांबळे (वय ३१ वरा.टिळेकरवाडी ता.हवेली जि.पुणे) असे अटक करण्यात आरोपीचे नाव आहे. पोलिसांनी दिलेल्या माहितीनुसार, उरुळीकांचन येथील प्लॉटिंग व्यावसायिकाचे अपहरण करून २० लाखांची खंडणी उकळण्याच्या प्रयत्नात कांबळे आणि त्याच्या साथीदारांना अटक डिसेंबर २०१९ मध्ये झाली होती. मात्र, जून २०२० मध्ये येरवडा जेलमधील खिडकीचे गज काढून सहा आरोपींनी पळ काढला. त्यातील पाच जणांना पोलिसांनी लवकरच पकडले, परंतु मुख्य सूत्रधार कांबळे वेषांतर करून, नाव बदलून आणि परराज्यात वास्तव्य करत सतत पोलिसांच्या नजरेतून सुटत राहिला. Uruli kanchan News
कांबळे हा रेकॉर्डवरील सराईत गुन्हेगार असून त्याच्यावर खून, खंडणी, गंभीर दुखापत, मोक्का, आर्म ॲक्ट आणि चोरीसह एकूण आठ गंभीर गुन्हे दाखल आहेत. त्याच्या भीतीमुळे पीडित व्यावसायिकाला गेली सहा वर्षे पोलीस संरक्षण देण्यात आले होते, यावरून त्याची दहशत स्पष्ट होते. एटीएसला मिळालेल्या गुप्त माहितीनुसार कांबळे परराज्यात अवैध गावठी शस्त्र विक्रेत्यांच्या संपर्कात होता. या महत्त्वाच्या धाग्यावर काम करत पोलिस अधीक्षक संदीपसिंह गिल्ल यांच्या मार्गदर्शनाखाली विशेष पथकाने त्याच्या हालचालींवर बारीक लक्ष ठेवले. Uruli kanchan News
अखेर उरुळी कांचन येथील सोलापूर रोडवर वेषांतर करून फिरत असताना त्याला अचूक ओळखून सापळा रचत ताब्यात घेण्यात आले.
कांबळे फरारी असताना त्याला मदत करणारे कोण, त्याचे आर्थिक व गुन्हेगारी जाळे किती मोठे आहे, याचा आता सखोल तपास सुरू आहे. त्याच्या अटकेमुळे जुन्या गुन्ह्यांतील अनेक धागेदोरे उलगडण्याची शक्यता व्यक्त केली जात आहे. Uruli kanchan News
सदर कामगिरी पुणे जिल्हा (ग्रामीण) पोलीस अधीक्षक संदिपसिंह गिल्ल, बारामती अपर पोलीस अधीक्षक गणेश बिरादार यांच्या मार्गदर्शनाखाली दहशतवाद विरोधी पथकाचे सहाय्यक पोलीस निरीक्षक प्रकाश पवार, सहाय्यक पोलीस उपनिरीक्षक महेश गायकवाड, पोलीस हवालदार निलेश कदम, सुनिल कोळी, पोलीस अंमलदार मोसीन शेख, ओंकार शिंदे यांच्या पथकाने केली आहे. Uruli kanchan News
