Shocking Momo Video : मोमोज हा अनेकांचा आवडीचा पदार्थ. लाल हिरव्या चटणीसोबत अनेक जण मोमोजवर ताव मारत असतात. मूळचा तिबेट आणि चीनमधील हा पदार्थ आता देशातील अनेक शहरांमध्ये अगदी हात गाड्यांवरही मिळत आहे. मात्र अल्पावधीत प्रचंड लोकप्रिय झालेल्या या पदार्थासंदर्भातील एक धक्कादायक व्हिडीओ समोर आला आहे. हा व्हिडिओ पाहून तुमचीसुद्धा मोमो खाण्याची इच्छा कायमची निघून जाईन.
सोशल मीडियावर व्हायरल होत असलेल्या हा व्हिडिओ मध्ये प्रदेशातील जबलपूर येथील आहे. या व्हिडिओमध्ये एक व्यक्ती मोमो तयार करण्याआधी त्याच पीठ एका भांड्यात टाकून पायाने मळत असल्याचे दिसत आहे.
काय आहे व्हिडिओमध्ये ?
सोशल मीडियावर व्हायरल होत असलेल्या या व्हिडिओत एक व्यक्ती बनियान आणि अन्डरपॅन्टवर उभा असलेला दिसत आहे. हा व्यक्ति रस्त्याच्या कडेला मोमो विक्री करतो. मोमो तयार करण्यासाठी या व्यक्तिने मोसाचे पीठ हे चक्क पायाने मळले आहे. मोमोच्या पिठाच्या भांड्यात हा व्यक्ति उभा असून त्यात नाचून तो पीठ मळत आहे. हा व्हिडीओ प्रचंड व्हायरल झाला असून त्यामुळे सगळीकडे खळबळ उडाली आहे.
हा व्हिडिओ 22 सेकंदाचा आहे. स्थानिक नागरिकानी या घटनेवर संताप व्यक्त करत या मोमो विक्रेत्यावर कठोर कारवाई करण्याची मागणी केली आहे. हा व्हिडिओ पाहून जबलपूर जिल्ह्यातील काही नागरिकांनी थेट पोलिसांकडे लेखी तक्रार दिली आहे. ज्या मोमोच्या दुकानामध्ये अशापद्धतीने मळलेल्या पिठाचे मोमो विकले जातात ते दुकान येथील बारगी पोलीस ठाण्याजवळ आहे. दुकानाचा मालक हा मूळचा राजस्थान येथील रहिवासी आहे.
Unhygienic Momo Horror: Shop Owners Arrested in Jabalpur for Kneading Dough with Feet
A shocking video emerged today in Jabalpur, Madhya Pradesh, revealing unhygienic practices at a local momo shop.
The video shows dough being kneaded with feet instead of hands. Following the… pic.twitter.com/IP7IbZb2qt
— Atulkrishan (@iAtulKrishan1) September 6, 2024
दरम्यान, या घटनेसंदर्भात लेखी तक्रार मिळाल्यानंतर पोलिसांनी या प्रकरणात कारवाई करत दोघांना अटक केली आहे. या दोघांची नाव राजकुमार गोस्वामी आणि सचिन गोस्वामी अशी आहेत. हे दोघेही मूळचे राजस्थानमधील जबलपूरचे रहिवासी आहेत. या दोघांविरुद्ध कायद्यानुसार कारवाई करण्यात आली असल्याचं पोलिसांनी सांगितलं आहे.
