पुणे : गेल्या काही दिवसांपासून मनसे अध्यक्ष राज ठाकरे आणि शिवसेना उबाठा ठाकरे पक्षाचे पक्षप्रमुख उद्धव ठाकरे हे एकत्र येणार असल्याच्या चर्चा सुरू आहेत.अशातच आता शिवसेना उद्धव बाळासाहेब ठाकरे पक्षाने केलेली सोशल मीडिया एक्स वरील पोस्ट आता चांगली चर्चेत आली आहे. “वेळ आलीय एकत्र येण्याची मुंबई आणि महाराष्ट्रासाठी शिवसैनिक तयार आहे मराठी अस्मितेच्या रक्षणासाठी “अशा आशयाची पोस्ट केली आहे.या पोस्टवरून युतीचे संकेत असल्याचे बोलले जात आहे

येत्या काही महिन्यात मुंबई आणि राज्यातील महत्त्वाच्या शहरातील महापालिकेच्या निवडणुका होणार आहेत.या निवडणुकीच्या पार्श्वभूमीवर सर्वच राजकीय पक्षांनी जोरदार मोर्चेबांधणी केली आहे दरम्यान राज ठाकरे आणि उद्धव ठाकरे एकत्र आल्यास म्हणजेच मनसे आणि शिवसेना ठाकरे गटाने युती केल्यास त्याचा मोठा फायदा दोन्ही पक्षांना या निवडणुकीत होऊ शकतो अशी चर्चा आता राजकीय वर्तुळात रंगली आहे.सध्या दोन्हीही ठाकरे बंधु सध्या परदेशात असल्याने या चर्चेला अधिक उधाण आले आहे.
दरम्यान ठाकरे गटाने पोस्ट करत पुन्हा एकत्र येण्याच्या विषयाला हात घातला आहे. त्यामुळे या पोस्टवर आता लवकर एकत्र या, एकत्र या लवकर, प्रत्येक मराठी माणूस या क्षणाची आतुरतेने वाट बघतोय अशा कमेंट्स युजर्सनी केल्या आहेत. आता ठाकरे आणि मनसे युती होणार का हे पाहणे देखील महत्वाचे ठरणार आहे.








