Success Stories : सध्या एक नाव सोशल मीडियावर मोठ्या प्रमाणात व्हायरल होत आहे. ते म्हणजे नेहा ब्याडवाल. नेहा या अवघ्या २४ व्या वर्षी यूपीएससी परीक्षा उत्तीर्ण करत देशातील सर्वात तरुण महिला आयएएस अधिकाऱ्यांपैकी एक बनल्या आहेत.
नेहा यांचा जन्म ३ जुलै १९९९ रोजी राजस्थानमधील जयपूर येथे झाला. त्या छत्तीसगडमध्ये शिकायला होत्या. त्यांनी डीपीएस कोरबा आणि डीपीएस बिलासपूर येथे शिक्षण घेतले आणि नंतर रायपूरच्या डीबी गर्ल्स कॉलेजमधून पदवी घेतली. त्या या कॉलेजमध्ये टॉपर होत्या.
त्यांचे वडील श्रवण कुमार हे वरिष्ठ आयकर अधिकारी आहेत. वडिलांनी नेहा यांना आयएएस अधिकारी बनण्यास प्रेरणा दिली. नेहा सुरुवातीच्या पहिल्या काही प्रयत्नांमध्ये UPSC परीक्षा उत्तीर्ण होऊ शकल्या नाहीत. मात्र, तरीही त्यांनी हार मानली नाही. त्यांनी आपले प्रयत्न सुरूच ठेवले आणि २०२१ मध्ये त्यांनी UPSC परीक्षा उत्तीर्ण करत अखिल भारतीय ५६९ क्रमांक मिळवला.
या परीक्षेदरम्यान त्यांनी मोबाईल आणि सोशल मीडियापासून अंतर ठेवत आपला अभ्यास करत राहिल्या. नेहाने यांनी जवळ-जवळ तीन वर्षे मोबाईल फोनपासून अंतर ठेवले आणि फक्त अभ्यासावर लक्ष केंद्रित केले. त्या ऑगस्ट २०२२ मध्ये आयएएसमध्ये रुजू झाल्या आणि सध्या त्या उत्तर प्रदेशातील जालौन येथे संयुक्त दंडाधिकारी म्हणून तैनात आहेत.
नेहा ब्याडवालची यांची ही स्टोरी अनेकांसाठी प्रेरणादायी आहे. त्यांनी आपल्या प्रयत्नांनी दाखवून दिले की, दृढ निश्चय आणि कठोर परिश्रमाने कोणतीही मोठी परीक्षा उत्तीर्ण करता येते.
