पुणे : येथील एमजी रोडजवळ (MG Road ) सात ते आठ वाहनांचा अपघात (Accident) झाल्याची घटना घडली आहे. अपघातामध्ये एकजण जखमी झाल्याचं समजल आहे.
एका चारचाकी गाडीने सात ते आठ गाड्यांना धडक दिली आहे. या अपघातात इतर गाड्यांचे नुकसान झाले असून एकजण किरकोळ जखमी झाला आहे.
मिळालेल्या माहितीनुसार, पुण्यातील एमजी रोड जवळील एका रस्त्यावरून एक चारचाकी जात होती. गाडी चालवत असताना त्या चालकाला अचानक फिट आली आणि त्याचे गाडीवरचे नियंत्रण सुटले. त्यामुळे समोर असलेल्या सात ते आठ दुचाकी गाड्यांना धडक बसली. या अपघातात एक जण किरकोळ जखमी झाला आहे.
पोलीस घटनास्थाळी दाखल झाले आहे. यामध्ये गाड्यांचं मोठ्या प्रमाणात नुकसान झाल्याने अनेक चालक संतापलेले आहेत. या अपघातामुळे रस्त्यावर वाहतूक कोंडी झाली होती.
