-सागर जगदाळे
भिगवण : भिगवण पोलीस ठाण्याच्या हद्दीत एका तरुणाचा मृतदेह सापडला आहे. त्या तरुणाचे अंदाजे (वय-35 ते 40 वर्षे) आहे. त्या तरुणाने (दि.07 ऑक्टोबर) रोजी सायंकाळी ते (दि.0 8ऑक्टोबर) रोजी सकाळी आठ वाजेच्या दरम्यान मौजे भिगवण येथील गट नं.329 ता. इंदापूर जि.पुणे येथील थोरातनगर येथे विलास भोसले (रा. डिकसळ) यांचे 3 मजली अंडर कन्स्ट्रक्शन बिल्डींगचे पहिल्या मजल्यावर एका रूममध्ये खिडकीच्या ग्रिलला नायलॉन पट्टीच्या साहाय्याने गळफास घेतलेला दिसून आला. त्याबाबत कॉन्ट्रॅक्टर यांनी भिगवण पोलीस स्टेशन येथे माहिती दिली.
मृत व्यक्तीस भिगवण ग्रामीण रूग्णालय येथे आणले असता डॉक्टरांनी त्यास तपासून तो मृत झाल्याचे घोषित केले. सदर मृत व्यक्तीचे प्रेत हे ओळख पटण्यासाठी भिगवण ग्रामीण रूग्णालय येथील शवागृहात राखून ठेवण्यात आले आहे. तसेच मृत व्यक्तीचे कपडेदेखील राखून ठेवण्यात आले आहेत.
तरी यातील अज्ञात पुरुष जातीचा मृतदेह हा कोणाच्या ओळखीचा असल्यास अशा व्यक्तीने भिगवण पोलिसांशी संपर्क साधावा असे भिगवण पोलिसांच्या वतीने नागरिकांना आवाहन करण्यात आलेले आहे. संपर्क साधण्यासाठी संपर्क क्रमांक- 1)9552164100, 2)9422150050.
मृत व्यक्तीचे वर्णन :- एक अनोळखी पुरूष जातीचे प्रेत वय अंदाजे 35 ते 40 वर्षे, नेसणीस पांढ-या रंगाचा फुल शर्ट त्यामध्ये पांढ-या रंगाचा फुल बनियान, काळी पॅन्ट व राखाडी रंगाची त्यावर काळे पांढरे रेघा असलेली इजार, डोकीस टक्कल, दाढी मिशा काढलेली, सडपातळ बांध्याची अशी अनोळखी पुरूष जातीची मृत बॉडी.
