Telangana Air Craft Crashed : तेलंगणातील दिंडीगुल येथील एअर फोर्स अकादमी येथे प्रशिक्षण सुरु असताना ट्रेनर विमान कोसळल्याची मोठी दुर्घटना समोर येत आहे. मेडक जिल्ह्यात ही घटना घडली असून या दुर्घटनेत २ भारतीय वायुदलाच्या वैमानिकांचा दुर्दैवी मृत्यू झाला आहे. मृतांमध्ये एक प्रशिक्षक आणि एका कॅडेटचा समावेश आहे. सोमवारी ४ डिसेंबर रोजी सकाळी ९ वाजण्याच्या सुमारास हा अपघात झाला असल्याची माहिती भारतीय हवाई दलाने दिली आहे. (Telangana Aircraft Crashed)
वायुसेनेने सांगितलेल्या अधिक माहितीनुसार, आज सकाळी नियमित प्रशिक्षण सुरु होतं. या दरम्यान PC 7 Mk II विमानाला अपघात झाला. या अपघातात दोन पायलट होते. दोघांनाही गंभीर दुखापत झाली आणि नंतर त्यांचा दुर्दैवी मृत्यू झाला. हा अपघात एअरफोर्स अकादमीत प्रशिक्षणादरम्यान दिंडीगुलमध्ये झाला. मृतांमध्ये एक प्रशिक्षक आणि एका कॅडेटचा समावेश आहे.
दरम्यान, तेलंगणातील मेडक जिल्ह्यात हा अपघात झाला असून या विमानात भारतीय हवाई दलाचे दोन अधिकारी होते. अपघाताची घटना घडली तेव्हा हे विमान तूप्रन भागात होते. एअरफोर्स अकादमी डुंडीगल येथून विमानाने उड्डाण घेतले होते.
Two Indian Air Force pilots were killed in action when their Pilatus trainer aircraft crashed at 8:55 during training at Air Force Academy, Dindigul in Telangana. The pilots include an instructor and one cadet: Indian Air Force officials pic.twitter.com/48bGdfawRy
— ANI (@ANI) December 4, 2023
