सोलापूर : सोलापूरमधील पंढरपूरजवळ भाविकांच्या खासगी भसचा भीषण अपघात झाल्याची घटना घडली आहे. या दुर्देवी घटनेत दोन भाविकांचा मृत्यू झाला आहे. यामध्ये काही प्रवासी गंभीर जखमी झाले आहेत. जखमींना जवळच्या रुग्णालयात उपचारासाठी दाखल करण्यात आले आहे. भटुंबरे गावाजवळ आज पहाटे खासगी बस आणि ट्रकचा भीषण अपघात झाला आहे. अपघात इतका भीषण होता की खासगी बसचा अक्षरशः चुराडा झाला आहे. प्रवासाची माहिती मिळताच पोलीस घटनास्थळी हजर झाले आहेत.
मिळालेल्या माहितीनुसार, पंढरपूरजवळ भाविकांच्या खासगी बसला भीषण अपघात झाल्याची माहिती समोर आली आहे. या अपघातामध्ये दोन जणांचा मृत्यू झाला आहे. तर अनेकजण जखमी झाले असल्याची माहिती मिळत आहे. पंढरपूर-टेंभुर्णी महामार्गावर आज पहाटे मालवाहतूक ट्रक आणि खासगी बसचा भीषण अपघात झाला. पंढरपूर जवळ असलेल्या भटुंबरे गावाजवळ पहाटे अपघात झाला आहे.
अपघातामधील जखमींना पंढरपूरच्या शासकीय रुग्णालयात उपचारासाठी दाखल करण्यात आले आहे. अपघाताची माहिती मिळताच पोलिसांनी घटनास्थळी धाव घेतली आहे. स्थानिकांनीही तात्काळ धाव घेत मदत केली. स्थानिकांनी दिलेल्या माहितीनुसार, ट्रकने खासगी बसला जोरदार धडक दिली. ट्रकच्या पुढील बाजूचा चुराडा झाला आहे. यामध्ये बसचेही मोठे नुकसान झाले आहे.
