पुणे: टीबी(Symptoms of TB) हा ‘मायकोबॅक्टेरियम ट्यूबरक्युलोसिस’ नावाच्या जीवाणूमुळे होणारा संसर्गजन्य रोग आहे. हा आजार प्रामुख्याने फुफ्फुसांवर परिणाम करतो, मात्र तो शरीरातील इतर अवयवांमध्येही पसरू शकतो. हा रोग बरा होऊ शकतो, पण तो वेळीच ओळखणे आणि पूर्ण उपचार घेणे महत्त्वाचे आहे. टीबी झाल्यास तुमच्या शरीरात प्रमुख लक्षणे दिसून येतात ती कोणती आहे याबद्दल अधिक माहिती आपण जाणून घेऊया…
सर्वात सामान्य लक्षणे
- जर तुम्हाला तीन आठवड्यांपेक्षा जास्त काळ सतत खोकला येत असेल, तर ते टीबीचे एक मुख्य लक्षण असू शकते.
- खोकताना कफ (थुंकी) येणे, आणि त्यात रक्ताचे डाग दिसणे हे गंभीर लक्षण आहे.
- श्वास घेताना किंवा खोकताना छातीत तीव्र वेदना किंवा अस्वस्थता जाणवणे.
संपूर्ण शरीरावर होणारे परिणाम
कोणतेही स्पष्ट कारण नसताना शरीराचे वजन कमी होणे .
टीबीमुळे भूक मंदावते किंवा पूर्णपणे कमी होते.
संध्याकाळच्या वेळेस ताप येणे.
रात्री झोपेत असताना घामाने शरीर भिजणे हे सक्रिय टीबीचे सामान्य लक्षण आहे.
दिवसभर खूप जास्त थकवा जाणवणे, कोणतेही काम केल्यावर लगेच अशक्तपणा वाटणे.
मानेच्या भागातील लिम्फ नोड्स (गाठी) सुजणे.
हाडांचा टीबी झाल्यास पाठदुखी किंवा सांध्यांमध्ये वेदना होऊ शकतात.
मेंदूच्या आवरणाचा टीबी (मेनिंजायटीस) झाल्यास तीव्र डोकेदुखी जाणवते.
जर तुम्हाला तीन आठवड्यांपेक्षा जास्त काळ सतत खोकला येत असेल, तुम्हाला रात्री घाम येत असेल किंवा अस्पष्ट वजन कमी होत असेल, तर अजिबात वेळ न घालवता आरोग्य व्यावसायिकांचा सल्ला घ्यावा.
