लोणी काळभोर (पुणे) : येथील शकुंतला रामचंद्र उर्फ लचाप्पा काळभोर (वय- 82, रा. बाजारमळा) यांचे आज (सोमवारी) सकाळी नऊ वाजण्याच्या सुमारास वृध्दापकाळाने निधन झाले. शंकुतला काळभोर या हडपसरचे विद्यमान आमदार चेतन तुपे यांच्या आत्या आहेत. शंकुतला काळभोर यांच्या पश्चात दोन मुले व तीन मुली, नातवंडे असा परिवार आहे.
शंकुतला काळभोर यांचे पती, रामचंद्र काळभोर उर्फ लचाप्पा यांचे दोन वर्षापुर्वी निधन झालेले आहे. कै. रामचंद्र काळभोर उर्फ लचाप्पा यांनी जिल्हा परीषदेचे सदस्य म्हणुन पाच वर्षे काम पाहिले तर यशवंत सहकारी साखऱ कारखान्याचे संचालक म्हणुनही त्यांनी काम केले होते. हडपसर येथील साधन सहकारी बॅंकेच्या महिला संचालक वंदना काळभोर या शंकुतला काळभोर यांच्या सुनबाई होत.
दरम्यान शंकुतला काळभोर यांच्यावर आज दुपारी ३.०० वाजता लोणी काळभोर येथील स्मशानभूमीत अंत्यविधी होणार आहेत.
