लहू चव्हाण
Pachgani News : पाचगणी, (सातारा) : गोडवली (ता. महाबळेश्वर) ग्रामपंचायत हद्दीतील प्रवेशद्वारावरच असलेली कचराकुंडी ओसंडून वाहत असल्याने ग्रामपंचायतीचा कारभार चव्हाट्यावर या आशयाची बातमी ‘पुणे प्राईम न्यूजने मंगळवारी (ता. ११) प्रसिद्ध केली होती. या बातमीची दखल घेऊन ग्रामपंचायत प्रशासनाने कचऱ्याची विल्हेवाट लावली आहे. याबद्दल ग्रामस्थांनी ‘पुणे प्राईम न्यूज’ चे कौतुक केले. Pachgani News
ग्रामपंचायत प्रशासनाने कचऱ्याची विल्हेवाट लावली.
गोडवली ग्रामपंचायतीने कचरा पडण्याच्या ठिकाणी कचराकुंड्या बांधल्या परंतु पंचायतीकडे कचरा उचलण्याची यंत्रणाच नसल्याने कचरा कुंड्या ओसंडून वाहत होता. कचऱ्यात बूट काचेच्या बाटल्या या वस्तूंमध्ये पावसाचे पाणी साठून डेंग्यू आणि चिकुनगुनियाच्या डासांची वाढ होण्याचाही धोका निर्माण झाल्याने ग्रामस्थांनी पुणे प्राईम न्यूजच्या प्रतिनिधीकडे तक्रार केली होती.(Satara News)
दरम्यान, गावच्या प्रवेशद्वारावरच कचरकुंडी ओसंडून वाहत असल्याने ‘पुणे प्राईम न्यूज’ बातमीच्या माध्यमातून ग्रामपंचायतीला आपल्या कर्तृत्वाची जाणीव करून दिल्याने ग्रामपंचायत प्रशासन खडबडून जागे झाले व सर्व कुड्यांतील कचऱ्याची विल्हेवाट लावल्याने ग्रामस्थांकडून समाधान व्यक्त होत आहे. Pachgani News
