सांगली : रेल्वे प्रवाशांसाठी मोठी बातमी समोर आली आहे. रेल्वे स्थानकादम्यान सुरू असलेल्या कामांमुळे पुणे-एर्नाकुलम सुपरफास्ट एक्सप्रेस दोन महिन्यांसाठी रद्द करण्यात आली आहे. रेल्वे प्रशासनाकडून ही रेल्वे सेवा २ महिन्यासांठी रद्द करण्यात आली असून, ही रेल्वे सेवा पुणे-सांगली मार्गे बंद असणार आहे. १८ जानेवारी ते १२ एप्रिलपर्यंत ही रेल्वे सेवा पुणे-सांगली मार्गे बंद असणार असल्याची माहीती मिळत आहे.
तसेच ही एक्सप्रेस पनवेल, मडगाव मार्गे दोन महिन्यांसाठी सुरू राहणार आहे. दक्षिण-पश्चिम रेल्वे अंतर्गत असणाऱ्या कॅसलराक ते कुलम रेल्वे स्थानकादरम्यान काम सुरू आहे. रेल्वे स्थानकादरम्यान सुरू असलेल्या कामांमुळे, प्रवाशांच्या सुरक्षा कारणास्तव रेल्वे प्रशासनाकडून सातारा,सांगली आणि मिरजमार्गे जाणारी एर्नाकुलम सुपरफास्ट एक्सप्रेस दोन महिन्यांसाठी रद्द करण्याचा निर्णय घेण्यात आला आहे.
१८ जानेवारी ते १२ एप्रिलपर्यंत ही रेल्वे सेवा पुणे-सांगली मार्गे बंद असणार असून, ही एक्सप्रेस पनवेल, मडगाव मार्गे दोन महिन्यांसाठी सुरू राहणार आहे. यामुळे पुणे ते नागपूर रेल्वे सेवा १८ जानेवारी ते १२ एप्रिल आणि बेळगावकडून पुण्याकडे जाणारी एर्नाकुलम सुपरफास्ट एक्सप्रेस २० जानेवारीपासून १४ एप्रिल पर्यंत बंद असणार आहे.
यासंदर्भातील माहिती मिरज रेल्वे कृती समितीकडून देण्यात आली आहे. त्यामुळे आता सातारा, सांगली आणि मिरज कोल्हापूरमधून केरळला जाणाऱ्या प्रवाशांती मोठी गैरसोय होणार आहे.
