Sam Bahadur Collection : मुंबई : विकी कौशल अभिनीत ‘सॅम बहादुर’ हा सिनेमा काही दिवसांपूर्वी प्रेक्षकांच्या भेटीला आला. पण त्याच्यासोबत एकीकडे रणबीरचा ‘अॅनिमल’ हा सिनेमा प्रेक्षकांच्या भेटीला आला. बॉक्स ऑफिसवर ‘अॅनिमल’ गाजत असताना विकीच्या ‘सॅम बहादुर’ या सिनेमाने आपला जलवा कायम ठेवला आहे. रिलीजच्या नऊ दिवसांत या सिनेमाने चांगलाच गल्ला जमवला आहे.
‘सॅम बहादुर’ या सिनेमात विकी कौशल मुख्य भूमिकेत आहे. भारताचे पहिले फील्ड मार्शल सॅम मानेकशॉ यांच्या आयुष्यावर आधारित हा सिनेमा आहे. 1971 च्या भारत-पाकिस्तान युद्धात त्यांनी महत्त्वाची भूमिका बजावली होती. ‘सॅम बहादुर’ हा वर्षाअखेरीस आलेला एक उत्तम बायोपिक आहे. ‘सॅम बहादुर’ या सिनेमात विकी कौशलने सॅम मानेकशॉ यांची भूमिका साकारली आहे. तर फातिमा सना शेखने इंदिरा गांधी यांची भूमिका साकारली आहे. तसेच सान्या मल्होत्रादेखील महत्त्वाच्या भूमिकेत आहे.
एकीकडे ‘अॅनिमल’ने ८ दिवसात २०० कोटींता गल्ला कमावला. तर दुसरीकडे विकी कौशलच्या ‘सॅम बहादुर’ या सिनेमाला प्रेक्षकांचा चांगला प्रतिसाद मिळाला आहे. मेघना गुलजार यांनी या सिनेमाच्या दिग्दर्शनाची धुरा सांभाळली होती. या सिनेमाला प्रेक्षकांचा सकारात्मक प्रतिसाद मिळत आहे. ‘अॅनिमल’च्या त्सुनामीत विकीच्या ‘सॅम बहादुर’चा जलवा कायम असल्याचं पाहायला मिळत आहे.
‘सॅम बहादुर’चं बॉक्स ऑफिस कलेक्शन जाणून घ्या..
‘सॅम बहादुर’ हा सिनेमा 1 डिसेंबर 2023 रोजी प्रेक्षकांच्या भेटीला आला आहे. रिलीजच्या पहिल्या दिवशी या सिनेमाने 6.25 कोटींची कमाई केली. तर रिलीजच्या नऊ दिवसांत या सिनेमाने 51.85 कोटींची कमाई केली आहे. तर जगभरात या सिनेमाने 66.4 कोटींचा गल्ला जमवला आहे.
पहिला दिवस – 6.25 कोटी
दुसरा दिवस – 9 कोटी
तिसरा दिवस – 10.3 कोटी
चौथा दिवस – 3.5 कोटी
पाचवा दिवस – 3.5 कोटी
सहावा दिवस – 3.25 कोटी
सातवा दिवस – 3 कोटी
आठवा दिवस – 3.5 कोटी
नववा दिवस – 6.75 कोटी
एकूण कमाई – 51.85 कोटी
जगभरात 66.4 कोटींचा गल्ला
