Sachin Tendulkar Birthday : क्रिकेटच्या मैदानात मास्टर ब्लास्टर अशी ओळख असलेला सचिन तेंडुलकर आज आपला ५१वा वाढदिवस साजरा करतोय. सचिन तेंडुलकरचा जन्म 24 एप्रिल 1973 रोजी मुंबईत झाला. क्रिकेटच्या मैदानात सचिनने अनेक विक्रम रचले आहेत. सचिनने त्याच्या कारकिर्दीत इतक्या विक्रमी खेळी केल्या आहेत की सर्वच विक्रम लक्षात ठेवणं म्हणजे नक्कीच साधं काम नाहीयेय.
सर्वाधिक सामने
आंतरराष्ट्रीय क्रिकेटमध्ये सर्वाधिक सामने खेळण्याचा विक्रम सचिन तेंडुलकरच्या नावावर आहे, ज्यामध्ये त्याने सर्वाधिक धावाही केल्या आहेत. आजही सचिन आंतरराष्ट्रीय क्रिकेटमध्ये सर्वाधिक ३४,३५७ धावा करणारा खेळाडू आहे.
सर्वाधिक धावा
कसोटी क्रिकेटप्रमाणेच एकदिवसीय क्रिकेटमध्येही सचिन तेंडुलकरने सर्वाधिक धावा केल्या आहेत. मास्टर ब्लास्टरने ४४.८३ च्या सरासरीने १८ हजार ४२६ धावा करत आपली एकदिवसीय कारकीर्द पूर्ण केली.
कसोटीमधील विक्रम
सचिन तेंडुलकर सर्वाधिक २०० कसोटी सामने भारतासाठी खेळले आहेत. जागतिक क्रिकेटमध्ये कोणत्याही खेळाडूने ही संख्या गाठलेली नाही.
What a way to kick off my birthday week! I had so much fun playing football, sharing stories and cutting my birthday cake with these incredible girls who are supported by the Sachin Tendulkar Foundation. They were the first ones to wish me and it made my week truly special!… pic.twitter.com/G8Wlqy4XPf
— Sachin Tendulkar (@sachin_rt) April 24, 2024
दरम्यान, सचिनने एक व्हिडिओ शेअर केला आहे. सचिन तेंडुलकर फाऊंडेशनसोबत मिळून वाढदिवसाचा केक कापला आणि वाढदिवस साजरा केला. तसेच या सर्व मुलांसोबत फुटबॉल खेळताना, गोष्टी शेअर करताना खूप मजा आली. मला शुभेच्छा देणारे ते पहिले आहे त्यामुळे माझा वाढदिवसाचा आठवडा खास झाला!” असेही तो म्हणाला.
