Rupali Chakankar : नाशिक : भोंदू अशोक खरात प्रकरणात दिवसेंदिवस नवे खुलासे समोर येत असून, या प्रकरणाने राज्यभरात मोठी खळबळ उडवली आहे. तंत्र-मंत्र, बुवाबाजी आणि अध्यात्माच्या नावाखाली अनेकांची आर्थिक तसेच मानसिक फसवणूक केल्याचे आरोप अशोक खरातवर आहेत. महिलांचे शोषण, व्यापारी आणि शेतकऱ्यांना कोट्यवधींचा गंडा घातल्याच्या तक्रारींमुळे हे प्रकरण अधिक गंभीर बनले आहे. Rupali Chakankar
या प्रकरणात आता राष्ट्रवादी काँग्रेसच्या नेत्या आणि राज्य महिला आयोगाच्या माजी अध्यक्षा रुपाली चाकणकर यांचे नाव चर्चेत आले आहे. विरोधकांकडून त्यांच्यावर गंभीर आरोप करण्यात आल्यानंतर एसआयटी चौकशीची मागणी जोर धरत होती. दरम्यान, ताज्या माहितीनुसार रुपाली चाकणकर या एसआयटी चौकशीसाठी नाशिकला रवाना झाल्या असून, त्यांच्यासोबत कायदेशीर सल्लागारही असल्याचे समोर आले आहे. Rupali Chakankar
आज त्या नाशिकमध्ये एसआयटीसमोर हजर राहून जबाब नोंदवण्याची शक्यता व्यक्त केली जात आहे. अशोक खरातच्या शिवनिका ट्रस्टशी त्यांचा संबंध असल्याची चर्चा रंगली असून, त्या ट्रस्टवर संचालक म्हणून कार्यरत होत्या, अशी माहिती समोर येत आहे. त्यामुळे चौकशीत आणखी कोणते धक्कादायक तपशील समोर येणार याकडे राज्याचे लक्ष लागले आहे. Rupali Chakankar
दरम्यान, शिर्डी जमीन व्यवहार फसवणूक प्रकरणात अशोक खरातला न्यायालयाने १४ दिवसांची न्यायालयीन कोठडी सुनावली आहे. राहाता न्यायालयात त्याला कडेकोट पोलीस बंदोबस्तात हजर करण्यात आले होते. शिर्डी आणि परिसरातील अनेक शेतकऱ्यांच्या जमिनी फसवणुकीतून बळकावल्याचा आरोप त्याच्यावर आहे. Rupali Chakankar
याचबरोबर, अशोक खरातची पत्नी कल्पना खरात ही गेल्या सव्वा महिन्यापासून फरार असून, दोन जिल्ह्यांतील पोलीस यंत्रणा तिचा शोध घेत आहेत. पोलिसांकडून विविध ठिकाणी शोधमोहीम सुरू असतानाही ती सतत ठिकाण बदलत असल्याने अद्याप पोलिसांच्या हाती लागलेली नाही. Rupali Chakankar
