Robbery News : शिरूर, (पुणे) : घराचा दरवाजा उचकटुन अज्ञात ३० ते ३५ वर्षीय चार चोरट्यानी एका दाम्पत्याला लाकडी दांडक्याने मारहाण करून कोयता आणि कु-हाडीचा धाक दाखवत सोन्याचे दागिने व रोख रक्कम असा अडीच लाखांचा मुद्देमाल चोरून नेह्ला आहे. रांजणगाव पोलीस ठाण्याच्या हद्दीतील गणेगाव खालसा (ता. शिरूर) येथे गुरुवारी (ता. १५) पहाटे ३ वाजण्याच्या सुमारास हि घटना घडली आहे.
गणेगाव खालसा येथील घटना
याबाबत संजय मोतीराम पवार (वय- ३२) रा. गणेगाव खालसा, पद्माकर वस्ती, ता. शिरुर, जि. पुणे यांनी याबाबत रांजणगाव MIDC पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, गुरुवारी पहाटे तीन वाजण्याच्या सुमारास अज्ञात चार व्यक्ती संजय पवार यांच्या घराचा दरवाजा उचकटून आत शिरले. (Robbery News) त्यांनी हातातील लाकडी दांडक्याने मारहाण करत, कोयता आणि कु-हाडीचा धाक दाखवत फिर्यादी यांच्या पत्नी पुष्पा यांच्या गळयातील आणि कपाटातील सोन्याचे गंठण, नेकलेस, कानातील झुंबर, अंगठया, मणिमंगळसुत्र, लहान मुलांचे चांदीचे दागिने आणि ३० हजार रोख रकमेसह २ लाख २३ हजार रुपयांची चोरी केली आहे.
याप्रकरणी अज्ञात चार चोरट्यांच्या विरोधात रांजणगाव एमआयडीसी पोलीस ठाण्यात गुन्हा दाखल करण्यात आला असून पोलिस निरीक्षक बलवंत मांडगे यांच्या मार्गदर्शनाखाली पोलिस उपनिरीक्षक विनोद शिंदे पुढील तपास करत आहेत.
अधिक बातम्या वाचण्यासाठी येथे क्लिक करा :
Jalgaon News : वंचित आघाडीला मविआचे दरवाजे बंद… शरद पवार यांचा मोठा आरोप; म्हणाले…
Buldhana News : शिक्षण क्षेत्रात खळबळ! एक लाखाची लाच घेताना लिपिक एसीबीच्या जाळ्यात
