Pune News : डोर्लेवाडी, (पुणे) : गोवा येथे घेण्यात आलेल्या नॅशनल कराटे तायक्वांदो चॅम्पियनशिप मध्ये डोर्लेवाडी (ता. बारामती) येथील शिवतेज संदीप जाधव याने सुवर्ण पदक पटकावले आहे. ऑल इंडिया फेडरेशनच्या वतीने हि स्पर्धा ४१ ते ४५, ५१ ते ५५ आणि ६० किलो वजनी गटांमध्ये घेण्यात आली होती.
संपूर्ण परिसरात कौतुक
या स्पर्धेमध्ये ४१ ते ४५ वजनी गटांमध्ये शिवतेज संदीप जाधव याने या स्पर्धेमध्ये प्रथम क्रमांक मिळवला. तर ५१ ते ५५ या वजनी गटात आदित्य दिलीप मोरे यांने ही सुवर्ण पदक व प्रथम क्रमांक मिळवला आहे. ६० किलो वजनी गटात विष्णू अर्जुन साटुटे याने द्वितीय क्रमांक मिळवला आहे. अशी माहिती पूनम जाधव व शुभम इंगवले यांनी दिली.
दरम्यान, हे तिन्ही खेळाडू बारामती तालुक्यातील डोर्लेवाडी व सोनगाव या गावचे रहिवाशी असून या खेळाडूंचे संपूर्ण परिसरात कौतुक होत आहे. या विद्यार्थ्यांना पूनम जाधव व शुभम इंगवले यांचे मार्गदर्शन लाभले आहे.
