Pune Crime | पुणे : पुणे शहरासह परिसरात चोरट्यांनी मोठ्या प्रमाणात उच्छाद मांडला आहे. वेगवेगळ्या भागातून दररोज चोरीच्या घटना समोर येताना दिसून येत आहे. यामुळे नागरिक हैराण झाले आहे. तर पोलीस प्रशासनाची मोठी दमछाक होत आहे. अशीच एक घरफोडीची पुण्यातील ऊरळी देवाची येथून घटना समोर आली आहे.
येथील बंद फ्लॅट फोडून चोरट्यांनी तब्बल सव्वा लाखांच्या ऐवजावर डल्ला मारला आहे. चोरट्यांनी लोखंडी गेट तसेच मुख्य दरवाजाचे कुलूप तोडून ही चोरी केली आहे. चोरीच्या या घटनेनंतर परिसरातून चिंता व्यक्त केली जात आहे.
लोणी काळभोर पोलीस ठाण्यात गुन्हा दाखल….
याप्रकरणी लोणी काळभोर पोलीस ठाण्यात आबासाहेब बनसोडे (वय ३५) यांनी तक्रार दिली आहे. त्यानूसार, अज्ञात चोरट्यांविरोधात गुन्हा नोंद केला आहे. १८ ते २५ मार्च या कालावधीत हा प्रकार घडला आहे.
मिळालेल्या माहितीनुसार, तक्रारदार हे येथील माऊली पार्क येथे राहण्यास आहेत. ते काही कामानिमित्त घराला कुलूप लावून गेले होते. यादरम्यान, अज्ञात चोरट्यांनी त्यांच्या घरासमोरील लोखंडी गेट तसेच मुख्य दरवाजाचे कुलूप तोडून घरात प्रवेश केला.
तसेच, बेडरूममधील लोखंडी कपाटातील सोन्याचे दागिने व रोकड असा एकूण १ लाख १५ हजार रुपयांचा ऐवज चोरून नेला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…!
Hadapsar Crime : माता न तू वैरिणी.! आईनेच केली ४ वर्षीय मुलीची निर्घुण हत्या; हडपसर येथील घटना..!
Loni kalbhor News : लोणी काळभोर येथील मिना शिंदे यांचे अल्पशा आजाराने निधन..!
