लहू चव्हाण
Panchgani Police | पाचगणी : शिवजयंती व रमजान ईदच्या पार्श्वभूमीवर चोख बंदोबस्त ठेवत पाचगणी पोलिस ठाण्याच्या वतीने शहरातील मुस्लिम बांधवाना रमजान ईदच्या निमित्ताने गुलाब पुष्पांचे वाटप करत ईदच्या शुभेच्छा दिल्या.
शुक्रवारी (ता. २१) संध्याकाळी ईदचा चंद्र दिसल्यानंतर शहरात ईदचा उत्साह पाहायला मिळाला. शनिवारी सकाळी शहरातील मशिदीच्या मैदानावर सकाळी सामुदायिक नमाज पठण झाले. त्यानंतर नागरिकांनी एकमेकांना ‘ईद मुबारक’ म्हणत शुभेच्छा दिल्या.
यावेळी सहाय्यक पोलिस निरीक्षक राजेश माने यांच्यावतीने मुस्लिम बांधवांना गुलाबपुष्प देण्यात आले. पोलिस उपनिरीक्षक अरविंद माने, हवालदार भरत जाधव, अविनाश बाबर, वैभव भिलारे, रविंद्र कदम, उमेश लोखंडे, शोभा साठे यांनी मुस्लिम बांधवांना शुभेच्छा दिल्या.
