लहू चव्हाण
पाचगणी : देशाच्या अमृतमहोत्सवी वर्षानिमित्त केंद्र सरकारतर्फे आयोजित ‘इंडियन स्वच्छता लीग’ या स्पर्धेत पाचगणी गिरीस्थान नगरपरिषदेने सहभाग घेतला असून, ‘पंचगणी रॉकर्स’ या नावाने पालिका सहभागी झाली आहे.
१७ सप्टेंबर ते २ ऑक्टोबर या कालवधीत शहरात विविध उपक्रम राबविले जाणार असल्याची माहिती पालिकेचे मुख्याधिकारी तथा प्रशासक पंचगणी रॉकर्स टीमचे कॅप्टन गिरीश दापकेकर यांनी दिली.
स्वच्छ अमृत महोत्सवाच्या निमित्ताने शनिवारी (ता. १७) सप्टेंबर रोजी पालिकेतर्फे नगरपालिका कार्यालय ते टेबल लॅंन्ड पठारावरील स्वच्छता करण्यात आली.
दरम्यान यामध्ये शालेय व महाविद्यालयीन विद्यार्थ्यांनी सहभाग घेतला होता. या उपक्रमात सहभागी होण्यासाठी नागरिकांनी https://innovateindia.mygov.in/swachhyouthrally/ या लिंकवर नावनोंदणी करावी असे आवाहन दापकेकर यांनी केले आहे.
