औरंगाबाद : पैठणच्या धुळे-सोलापूर राष्ट्रीय महामार्गावरील मुरमा फाटा येथे वाळूच्या हायवाने प्रवासी घेऊन जाणाऱ्या रिक्षाला पाठीमागून जोरदार धडक दिल्याची घटना घडली आहे.
या अपघातामध्ये 13 जण जखमी झालेत. त्यामध्ये आठ वृद्धांचा समावेश झाला आहे. जखमी झालेले लोक हे मुरमा आणि कोळीबोडखा येथील असल्याची माहिती आहे.
यावेळी वाळूच्या हायवाने रिक्षाला धडक देताच हायवा चालक गाडीसह घटनास्थळावरून फरार झाला आहे. दरम्यान, आठ जखमींना ताबडतोब पाचोडच्या ग्रामीण रुग्णालयात उपचारासाठी दाखल करण्यात आले आहे. त्याचबरोबर पाच जखमींना छत्रपती संभाजीनगरच्या घाटी रूग्णालयात उपचारासाठी हलवण्यात आले आहे.
