लहू चव्हाण
Pachgani News : पाचगणी : नरवीर सुभेदार तानाजी मालुसरे यांचे जन्मगाव असणाऱ्या गोडवली गावात त्यांच्या स्मृती कायम राहाव्यात व त्यांच्या कार्याची माहिती पुढील पिढीला व्हावी, यासाठी नरवीर सुभेदार तानाजी मालुसरे यांचे जन्मगाव गोडवली येथे उभारलेल्या भव्य स्मारकाचा लोकार्पण सोहळा रविवारी (ता. ३ सप्टेंबर) दहा वाजता आयोजित करण्यात आल्याची माहिती अंकुश आबा मालुसरे यांनी दिली आहे.
खासदार श्रीमंत छत्रपती उदयनराजे भोसले यांच्या हस्ते होणार लोकार्पण
हा कार्यक्रम खासदार श्रीमंत छत्रपती उदयनराजे भोसले यांच्या हस्ते होणार आहे. या वेळी जननायक आमदार मकरंद (आबा) पाटील, (Pachgani News ) ठाण्याचे आमदार संजय केळकर, जिल्हा बँकेचे संचालक राजेंद्र राजपुरे, समन्वय समितीचे माजी अध्यक्ष प्रविण भिलारे, पंचायत समितीचे माजी सभापती विजयकुमार भिलारे, दिग्दर्शक दिग्पाल लांजेकर व सुभेदार चित्रपटाच्या टिमसह अभिनेते अजय पुरकर व ९४ गावांतील मालुसरे परिवार उपस्थित राहणार आहेत.
सह्याद्री प्रतिष्ठान हिंदुस्थानचे संस्थापक अध्यक्ष श्रमिक गोजमगुंडे, दुर्ग जागर समिती सह्याद्री प्रतिष्ठान हिंदूस्थानचे सर्व सदस्य हे कार्यक्रमाचे आयोजक आहेत. या कार्यक्रमास सर्वांनी उपस्थित राहण्याचे आवाहन गोडवली ग्रामस्थ मंडळ, ग्रामपंचायत गोडवली, (Pachgani News ) सरपंच, उपसरपंच व सर्व सदस्य नरवीर कला-क्रिडा मंडळ, तपनेश्वर सेवा मंडळ, काळेश्वरी महिला मंडळ, गोडवली संत सेना नाभिक संघटना, समता मंडळ, गोडवली यांनी केले आहे.
अधिक बातम्या वाचण्यासाठी येथे क्लिक करा :
Pachgani News : पाचगणी येथील विद्यानिकेतनच्या विद्यार्थिनींनी पोलिसांना बांधल्या राख्या
Pachgani News : वटवृक्षाला राखी बांधून केली दीर्घायुष्यासाठी प्रार्थना
