लहू चव्हाण
Pachagani News : पाचगणी, (सातारा) : राहत्या घरावर झाड पडल्याने कुटुंबीयांचा संसार उघड्यावर पडल्याने कंळबे कुटुंबाला तातडीने नुकसान भरपाई मिळावी यासाठी शासनदरबारी पाठपुरावा करणार असल्याचे प्रतिपादन स्ट्रॉबेरी ग्रोवर असोसिएशनचे अध्यक्ष नितीन दादा भिलारे यांनी केले. Pachagani News
दांडेघर (ता. महाबळेश्वर) येथील विष्णू कळंबे यांच्या घरावर झाड कोसळून झालेल्या नुकसानीची पाहणी नितीन भिलारे यांनी केली यादरम्यान ग्रामस्थांशी संवाद साधताना नितीनदादा बोलत होते.
यावेळी दांडेघर ग्रामपंचायतीचे उपसरपंच जनार्दन कळंबे, प्रकाश बेलोशे, अतुल कळंबे, सुरेश कळंबे, विष्णु कळंबे आदी ग्रामस्थ उपस्थित होते.
दरम्यान, घरावर झाड पडल्याने कळंबे कुटुंबीयाचे मोठे नुकसान झाले असून शासनाकडून लवकरात लवकर नुकसान भरपाई मिळावी यासाठी शासनदरबारी पाठपुरावा करणार असल्याचे नितिन दादा यांनी सांगितले.
