सुरेश घाडगे
परंडा : पांडे (ता. करमाळा) येथील कमलाभवानी साखर कारखाना लिमिटेड या साखर कारखान्याच्या वतीने दसरा-दिवाळी सणासाठी शेतकऱ्यांना प्रत्येकी ५० किलो साखर सवलतीच्या दरात वाटप करण्यात आली.
गत गळीत हंगामात ऊस पुरवठा करणाऱ्या ऊस उत्पादक शेतकऱ्यांना परंडा येथील कार्यालयात गुरुवारी (ता. १५) सवलतीच्या दरात वाटप करण्यात आली.
यावेळी परंडा तालुका पत्रकार संघाचे अध्यक्ष सुरेश घाडगे यांच्या हस्ते वाटपाचा शुभारंभ करण्यात आला. यावेळी कारखाना प्रतिनिधी सुधीर कदम ,शंकर गोडगे, विशाल भागडे ,रोहित गणदास, तुषार नेटके ,धर्मराज पाटील, नितीन गटकुळ, महादेव साबळे, बाबा वायकुळे आदि उपस्थित होते.
