लहू चव्हाण
पाचगणी : सरदार वल्लभाई पटेल यांच्या जयंती निमित्त पाचगणी येथील श्रीमती मीनलबेन मेहता कॉलज मध्ये राष्ट्रीय सेवा योजना विभागाच्या वतीने राष्ट्रीय एकता दिवस विविध कार्यक्रमांनी उत्साहात संपन्न झाला. या कार्यक्रमात महाविद्यालयाचे प्राचार्य डॉ. सतीश देसाई यांनी सरदार वल्लभाई पटेल यांच्या प्रतिमेचे पूजन केले.
या कार्यक्रमास महाविद्यालयातील सर्व प्राध्यापक, प्रशासकीय सेवक व विद्यार्थी उपस्थित होते. यावेळी राष्ट्रीय सेवा योजना विभागाचे कार्यक्रम अधिकारी डॉ. शहाजी जाधव व डॉ. सुनिल गुरव यांनी सर्व विद्यार्थाना राष्ट्रीय एकता शपथ दिली. महाविद्यालयातील विद्यार्थी, प्राध्यापक, प्रशासकीय सेवक तसेच इतर मान्यवरांनी राष्ट्रीय सेवा योजना विभागाच्या वतीने आयोजित करण्यात आलेल्या महाविद्यालया पासून टेबल लॅन्ड चौकापर्यंत एकता दौड मध्ये १०९ स्वयमसेवक विद्यार्थ्यांनी सहभाग घेतला.
राष्ट्रीय सेवा योजना विभागाचे कार्यक्रम अधिकारी डॉ. तुकाराम राबाडे यांनी प्रास्ताविक केले. तर, सरदार वल्लभाई पटेल यांच्या कार्याचा आढावा इतिहास विभाग प्रमुख डॉ. सुनिता गित्ते यांनी आपल्या मनोगता मध्ये घेतला. कार्यक्रमाचे आभार प्रा. डॉ. अमृता कुलकर्णी यांनी मानले.
