पुणे : तुम्ही दहावी पास आहात? तर तुम्हाला पुण्यातील नॅशनल इन्स्टिट्यूट ऑफ नॅचरोपॅथी येथे नोकरी मिळू शकते. या विभागात विविध रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत थेट मुलाखतीच्या माध्यमातून उमेदवाराची निवड केली जाणार आहे.
नॅशनल इन्स्टिट्यूट ऑफ नॅचरोपॅथी, पुणे येथे प्लंबर, इलेक्ट्रिशियन, एसटीपी/ईटीपी ऑपरेटर कम जनरल केअर वर्क आणि वरिष्ठ माळी या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. या प्रक्रियेंतर्गत एकूण 6 रिक्त पदे भरली जाणार आहेत.
संबंधित उमेदवाराची निवड ही मुलाखतीच्या माध्यमातून केली जाणार असून, ही मुलाखत 20 सप्टेंबर 2024 या दिवशी घेतली जाणार आहे. त्यासाठी बापू भवन, मातोश्री रमाबाई आंबेडकर रोड (ताडीवाला रोड), पुणे-411001 येथे जाऊन मुलाखत द्यावी लागणार आहे. निवड झालेल्या उमेदवाराला 26,000 ते 29,000 रुपयांपर्यंत पगार मिळू शकणार आहे.
या भरती प्रक्रियेबाबत अधिक माहितीसाठी https://www.ninpune.ayush.gov.in/ या अधिकृत वेबसाईटवरून माहिती घेता येणार आहे.
