पुणे : सतीश वाघ हत्याप्रकरणाने राज्यभर खळबळ उडाली होती. त्या हत्या प्रकरणाचा अखेर उलगडा झाला आहे. सतीश वाघ यांची 9 डिसेंबरला अपहरण करुन निर्घृणपणे हत्या करण्यात आली होती. सतीश वाघ हे भाजप आमदार योगेश टिळेकर यांचे सख्खे मामा होते. त्यामुळे त्यांच्या हत्येने राज्यात प्रचंड खळबळ उडाली होती. या हत्येची सुपारी देण्यात आली होती. ही सुपारी सतीश वाघ यांच्या पत्नीकडूनच देण्यात आल्याची धक्कादायक माहिती आता समोर आली आहे. सतीश वाघ यांची पत्नी मोहिनी वाघ यांचे अक्षय जावळकर या तरुणासोबत अनैनिक संबंध होते. आणि याच अनैतिक संबंधामध्ये अडचण ठरत असणाऱ्या सतीश वाघ यांची हत्या करण्यात आली. हे आत निष्पन्न झालं आहे.
वाचा सतीश वाघ हत्याप्रकरणाचा घटनाक्रम..
- दि. 9 डिसेंबरला सतीश वाघ हे मॉर्निंग वॉकला गेलेले असताना अक्षय जावळकर , त्याचा मित्र पावन शर्मा , नवनाथ गुरसाळे आणि आणखी दोघेजण चार चाकी गाडीत दबा धरून बसले होते. सतीश वाघ घरापासून काही अंतरावर आले असता अक्षयने गाडी त्यांच्याजवळ नेली आणि सतीश वाघ यांना जबरदस्तीने गाडीत बसवून गाडी पुणे – सोलापूर महामार्गावर नेण्यात आली .
- चालू गाडीतच सतीश वाघ यांच्यावर तब्ब्ल 70 वार करून त्यांची हत्या करण्यात आली.
- अनैतिक संबंधनांना अडथळा ठरणाऱ्या आणि मोहिनी वाघ यांना त्यामुळे मारहाण करणाऱ्या सतीश वाघ यांच्याबद्दल साचलेला रागातून अक्षय जावाळकरने सतीश वाघ यांचा मृतदेह छिन्न विछिन्न होईपर्यंत त्यांच्यावर वार केले. त्यानंतर सतीश वाघ यांचा मृतदेह दौण्ड तालुक्यातील शिंदवणे घाटात फेकून देण्यात आल.
- सतीश वाघ यांची हत्या पैशांसाठी करण्यात आल्याचा रचला बनाव.
- पोलीस आणि माध्यमांचे प्रतिनिधी जेव्हा वाघ यांच्या घरी पोहोचले तेव्हा मोहिनी वाघ या त्यांच्या मुलांसोबत रडताना दिसून आल्या. आपल्या पतीच्या हत्येचं आपल्याला दुःख झाल्याचं नाटक त्यांच्याकडून वठवण्यात आले.
- मात्र, पोलिसांनी तपास सुरु केला आणि वाघ यांच्या जवळच्या व्यक्तींकडून मोहिनी वाघ आणि अक्षय जावळकर यांच्यात अकरा वर्षांपासून सुरु असलेल्या अनैतिक संबंधांची माहिती जवळच्या व्यक्तींकडून पोलिसांना देण्यात आली.
- या कालावधीत अक्षय जावळकर हा गायब झाला होता. त्यामुळे पोलिसांचा संशय अधिकच बळावला .
- पोलिसांनी अक्षयला ताब्यात घेण्यासोबतच त्याच्या मित्रांनाही अटक करण्यात आली.
- चौकशी दरम्यान अक्षयने मोहिनी सोबत असलेल्या संबंधांची आणि त्यातून हत्येचा हा कट रचल्याची सुपारी दिली याबाबत कबुली दिली.
- पोलिसांनी 25 डिसेंबरला मोहिनीला अटक केली .
