पुणे : मेट्रोमुळे खराब झालेल्या रस्त्याची जबाबदारी आता महामेट्रोचं घेणार असून मेट्रो स्थानक आणि ज्या ठिकाणी मेट्रो मार्गिकेचे काम सुरू आहे, त्या ठिकाणचे रस्ते तातडीने दुरुस्त करावेत, असे आदेश महापालिका आयुक्त, प्रशासक विक्रम कुमार यांनी महामेट्रोला दिले आहेत.
पुणे महानगर प्रदेश विकास प्राधिकरणाकडूनही मेट्रो मार्गिकेचे काम करताना खराब झालेले रस्ते दुरुस्त करावेत, अशी सूचनाही विक्रम कुमार यांनी केली.
मेट्रोच्या कामामुळे काही रस्ते खराब झाले आहेत. त्यामुळे हे रस्ते महामेट्रोनेच दुरुस्त करावेत, असा निर्णय यापूर्वी झाला आहे.
दरम्यान, मेट्रोकडून रस्तेदुरुस्ती केली जात नसल्याची तक्रार महापालिकेच्या अधिकाऱ्यांकडून करण्यात आली होती. पालकमंत्री चंद्रकांत पाटील यांनीही महापालिका आणि महामेट्रोने वाद न घातला तातडीने रस्ते दुरुस्त करावेत, अशी सूचना केली होती.
