संतोष पवार
पुणे : महाराष्ट्र राज्य परीक्षा परिषद पुणेद्वारा आयोजित प्राथमिक व उच्च प्राथमिक शिष्यवृत्ती परीक्षा अर्थात इयत्ता ४ थी व ७ वी स्कॉलरशिप परीक्षेत पळसदेव तालुका इंदापूर येथील पळसनाथ शिक्षण संकुलातील एकूण नऊ विद्यार्थी पात्र झाल्याची माहिती विद्यालयाचे प्राचार्य विकास पाठक यांनी दिली.
इयत्ता ७ वी शिष्यवृत्ती परीक्षेत श्लोक संदीप काळे (१९६ गुण), धनश्री अतुल गोरे (१६८ गुण ) , सिद्धी प्रल्हाद कुंभार (१६४ गुण) , रिया शिवराज घाडगे (१६२ गुण) गौरी प्रकाश बोराटे (१४२ गुण) सार्थक देविदास जगताप (१३० गुण ) या विद्यार्थ्यांनी उज्ज्वल यश संपादन केले .
चौथी स्कॉलरशिप परीक्षेत परिणिती युवराज काळे (१९६ गुण) सान्वी अतुल रंधवे (१५० गुण) पुष्कर श्रीकांत शिंदे (१४८ गुण) या विद्यार्थ्यांनी उल्लेखनीय यश मिळवले. सातत्यपूर्ण अभ्यास -सराव व शिक्षकांचे सखोल मार्गदर्शन यामुळे विद्यार्थी शिष्यवृत्ती परीक्षेसाठी पात्र ठरले.
दरम्यान विद्यालयातील शिष्यवृत्ती मार्गदर्शक शिक्षक गणेश लोंढे ,संतोष पवार, नितीन कुंभार , तुषार मोरे आणि शिष्यवृत्ती परीक्षेतील गुणवंत विद्यार्थी यांचा पळसनाथ शिक्षण प्रसारक मंडळाच्या वतीने सन्मान करण्यात आला .
याप्रसंगी पळसनाथ शिक्षण प्रसारक मंडळाचे अध्यक्ष भूषण काळे ,सचिव योगिराज काळे खजिनदार बबन काळे , संस्थेचे पदाधिकारी , विद्यालयाचे प्राचार्य विकास पाठक ,पर्यवेक्षक संजय जाधव , सिकंदर देशमुख , प्राथमिक विभागाच्या प्राचार्या सिद्धमा पाटील यासंह शिक्षक शिक्षकेत्तर, विद्यार्थी ,पालक उपस्थित होते .
