माढा: सोलापूर जिल्ह्यातील माढा तालुक्यामध्ये एक धक्कादायक प्रकार समोर आला आहे. जमिनीच्या तुकड्यासाठी कुऱ्हाडीने चुलत्याचा खून करून त्यांचं मुंडके दुचाकीवर घेऊन एक माथेफिरू फिरत होता. त्याला आता अटक करण्यात आली आहे. शिवाजी जाधव असं अटक केलेल्या व्यक्तीचे नाव आहे. शिवाजी याने जमिनीच्या वादातून त्याचे काका शंकर जाधव यांचा खून केला. त्यानंतर त्यांचं मुंडकं तोडून ते बाईकवर घेऊन फिरत होता. अखेर तो अकलूज रोडवर माळीनगर येथे तो पोलिसांना शरण गेला. या प्रकारामुळे माढा तालुक्यात भीतीचं वातावरण निर्माण झाली आहे.
माढा तालुक्यातील शेवरे गावात जमिनीच्या तुकड्यासाठी एकाची हत्या करण्यात आली. त्यानंतर चुलत्याचा कुऱ्हाडीचा घाव घालून निर्घृण खून करून मुंडके दुचाकीवर घेऊन तो गावभर फिरला. त्याला पोलिसांनी ताब्यात घेतले आहे. जमिनीच्या वादातून शिवाजी जाधव याने चुलत्याचे थेट मुंडके धडावेगळे केले आणि तेच मुंडके घेऊन तो दुचाकीवर फिरत होता. यानंतर त्याने अकलूज रोडवर माळीनगर येथे मुंडके व दुचाकी सोडून अकलूज पोलिसांना शरण गेला. या प्रकाराने मात्र परिसरात भीतीचे वातावरण पसरले होते.
सोमवारी सकाळी अकरा वाजण्याच्या सुमारास शंकर प्रल्हाद जाधव (वय-65, शेवरे, ता. माढा) असे खून झालेल्या वृद्ध व्यक्तीचे नाव आहे. या प्रकरणातील आरोपी शिवाजी जाधव या पुतण्याने हत्या केल्याचे समजताच त्याच्या पकडण्यासाठी विविध पथके पाठवण्यात आली. आता पोलिसांपासून वाचणे अवघड असल्याचे लक्षात येताच त्याने माळीनगर जवळ चुलात्याचे मुंडके आणि मोटार सायकल टाकून दिली. त्यानंतर तो अकलूज पोलीस ठाण्यात शरण गेला. दरम्यान अकलूज पोलिसांनी चुलत्याचे मुंडके, दुचाकी ताब्यात घेतले आहे. याबाबत मयताचा नातू नरहरी नवनाथ बंडलकर (वय-२३, रा.कुरण वस्ती-शेवरे,ता.माढा) याने टेंभुर्णी पोलीस ठाण्यात फिर्याद दिली असून पोलीस पुढील तपास करीत आहेत.
