मुंबई : शेअर बाजारात मोठी घडामोड पाहिला मिळाली. 2025 या वर्षाची सुरुवात भारतीय शेअर बाजारासाठी चांगली झाली. एक जानेवारीला पहिल्या दिवशी सेन्सेक्स-निफ्टी वाढीसह हिरव्या चिन्हावर बंद झाला, त्यानंतर गुरुवारीही ही गती कायम राहिली. बॉम्बे स्टॉक एक्सचेंज सेन्सेक्स (बीएसई सेन्सेक्स) मागील व्यवहाराच्या दिवशी 368 अंकांच्या वाढीसह बंद झाला होता. तर आज तो सुमारे 700 अंकांच्या वाढीसह व्यवहार करताना दिसला.
नॅशनल स्टॉक एक्स्चेंजच्या (एनएसई निफ्टी) निफ्टीमध्येही चांगली बाब पाहिला मिळाली. बाजारातील तेजीच्या काळात बजाज फायनान्सपासून ते रेलटेलपर्यंतच्या समभागांनी उसळी मारल्याचे दिसून आले. सेन्सेक्स 700 अंकांहून अधिक वाढला आहे. शेअर बाजारातील व्यवहार गुरुवारी ग्रीन झोनमध्ये सुरू झाले. 78,507.41 च्या आधीच्या बंदच्या तुलनेत सेन्सेक्स 78,657.52 च्या पातळीवर उघडला आणि काही काळानंतर तो 350 हून अधिक अंकांच्या वाढीसह 78,893.18 च्या पातळीवर व्यवहार करताना दिसला.
सेन्सेक्सप्रमाणेच निफ्टीही उसळी मारताना दिसला. NSE निर्देशांकाने मागील 23,742.90 च्या बंद पातळीवरून झेप घेतली आणि 23,783 वर व्यापार सुरू केला आणि काही मिनिटांतच त्याने वेग पकडला आणि 110 अंकांच्या वाढीसह 23,868 च्या पातळीवर पोहोचला. सेन्सेक्स आणि निफ्टीचा हा वेग व्यवसाय वाढल्याने वाढतच गेला आणि सकाळी अकराच्या सुमारास बीएसईचा सेन्सेक्स निर्देशांक सुमारे 700 अंकांच्या वाढीसह 79,213.10 च्या पातळीवर पोहोचला, तर एनएसईचा निफ्टी देखील वरच्या टप्प्यावर व्यवहार करताना दिसून आला.
