मुंबई : आयआयटी मुंबईमधील विद्यार्थी साहिल वाकोडे याच्या दुर्दैवी आत्महत्येनंतर कॅम्पसमध्ये मोठी खळबळ उडाली आहे. या घटनेनंतर प्रशासनाने सुरक्षेच्या दृष्टीने तातडीने महत्त्वाची पावले उचलण्यास सुरुवात केली आहे. वसतिगृहाच्या खोल्यांमध्ये अशा घटना पुन्हा घडू नयेत म्हणून सीलिंग फॅन काढून त्यांच्या जागी वॉल माउंटेड फॅन (भिंतीवर बसवणारे पंखे) लावण्याचा निर्णय घेण्यात आला आहे.
आयआयटी मुंबईमधील वसतिगृह क्रमांक 4 सह इतर ठिकाणी हे काम वेगाने सुरू आहे.या आत्महत्या प्रकरणाचा संपूर्ण तपास आता क्राईम ब्रांचकडे सोपवण्यात आला आहे. परीक्षा दालनापासून ते वसतिगृहापर्यंतचे सर्व सीसीटीव्ही फुटेज पोलीस अत्यंत बारकाईने तपासत आहेत. परीक्षेच्या शेवटच्या 15 मिनिटांत साहिल खिशात ठेवलेली वस्तू पाहण्यासाठी झुकल्याचे कॅमेऱ्यात दिसले. त्यानंतर पर्यवेक्षक प्राध्यापकांनी त्याला इतर विद्यार्थ्यांपासून बाजूला नेले. दपरीक्षा हॉलमधून बाहेर पडल्यानंतर साहिल थेट वसतिगृहातील आपल्या खोलीत गेला. त्यानंतर तो बाहेर आलाच नाही.
प्विद्यार्थ्यांच्या तीव्र आक्षेप आणि निदर्शनांनंतर प्रशासनाने ‘डीन ऑफ स्टुडंट अफेअर्स’ प्राध्यापक सूर्यनारायण दुल्ला यांना या पदावरून तत्काळ हटवले आहे. साहिलच्या वडिलांनी नोंदवलेल्या तक्रारीच्या आधारे मुंबई पोलिसांनी संबंधित प्राध्यापकाविरोधात एफआयआर (FIR) दाखल केला असून, पोलीस या प्रकरणी पुढील कायदेशीर कारवाई करत आहेत.
