मुंबई : आज पुन्हा एकदा उपनगरीय रेल्वे सेवेच्या हार्बर रेल्वे मार्गावर लोकल रुळावरुन घसरल्याची दुर्घटना घडली आहे. सलग दुसऱ्यांदा ही घटना घडल्याने परिसरात एकच खळबळ उडाली आहे.
या घटनेमुळे वडाळा- सीएसएमटी वाहतूक ठप्प झाली आहे. सोमवारी दुपारी १२ च्या सुमारास पनवेलहून सीएसएमटीकडे जाणा-या लोकलचा डबा सीएसएमटी स्थानकाजवळ घसरला होता. यामुळे हार्बर रेल्वेची सेवा पूर्णपणे ठप्प झाली आहे. त्यानंतर आज पुन्हा एकदा त्याच ठिकाणी चाचणी सुरु असताना अचानक लोकल रुळावरुन घसरली असल्याची घटना समोर आली आहे.
सोमवारी ज्या ठिकाणी रेल्वे रुळावरुन घसरली होती. त्याठिकाणी दुरुस्ती करुन लोकलची चाचणी घेतली जात होती. पण दुरुस्तीनंतर आज पुन्हा एकदा लोकल घसरली आहे. यामुळे प्रवाशांची कोंडी झाली आहे
