Leapord Attack Video: पुणे (Pune) अहिल्यानगर रस्त्यावर एका बिबट्याने अचानक चालत्या कारवर बिबट्याने थेट उडी मारली. या घटनेचा व्हिडिओ सोशळ मीडियावर व्हायरल होत आहे. बिबट्याच्या या दहशतीने रस्त्यावर एकच खळबळ उडाली आहे. (Maharashtra Latest Viral Video)
व्हिडिओत दिसल्याप्रमाणे, बिबट्याने रस्त्यावर जात असलेल्या एका कारवर थेट उडी मारली. या घटनेत बिबट्या जखमी झाला. ही घटना एकाने व्हिडिओत कैद केली. रस्त्यावर सरार्स फिरणाऱ्या बिबट्यामुळे रस्त्यावर एकच खळबळ उडाली. व्हायरल व्हिडिओत अनेकांनी प्रतिक्रिया दिली.
मिळालेल्या माहितीनुसार, बिबट्या रस्त्याच्या कडेला असलेल्या झुडपांमधून बाहेर पडला आणि रस्त्यावरून वेगाने जाणाऱ्या कारवर उडी घातली. याचदरम्यान बिबट्या गाडीच्या बोनेटवर आदळला आणि नंतर रस्त्यावर कोसळला. या घटनेत तो गंभीर जखमी झाला. जखमी बिबट्या काही मिनिटे डांबरी रस्त्यावर स्थिर बसला होता. काही क्षणातच, हे दृश्य पाहण्यासाठी मोठी गर्दी जमली आणि वर्दळीच्या महामार्गावर गोंधळ उडाला.
पहा व्हिडिओ-
View this post on Instagram
या घटनेची तात्काळ माहिती वनविभागाच्या अधिकाऱ्यांना देण्यात आला. वनविभागाच्या अधिकारी घटनास्थळी दाखल झाले. त्यांनी तात्काळ बिबट्याला ताब्यात घेतले. जखमी बिबट्यावर उपचार सुरु असल्याची माहिती समोर येत आहे.
हेही वाचा- Viral Video: मस्ती अंगलट! जंगलात वाघीण बनून गेला, समोरून वाघ आला अन्… थरारक घटना, पहा Video
गेल्या काही दिवसांपासून राज्यभऱात बिबट्यांच्या हल्ल्यांचे प्रमाण वाढले आहे, त्यामुळे अनेक गावात भीतीचे वातावरण निर्माण झाले आहे. महाराष्ट्रात बिबट्या दिसण्याच्या आणि हल्ल्यांच्या वाढत्या संख्येबद्दल चिंता व्यक्त करण्यात आली आहे.
