लोणी काळभोर, (पुणे) : आळंदी म्हातोबा (ता. हवेली) येथील श्री म्हातोबा जोगेश्वरी व पिरसाहेब उत्सव कमिटीच्या अध्यक्षपदी लक्ष्मण मुकुंद भोंडवे यांची तर उपाध्यक्षपद पांडुरंग भोंडवे यांची सर्वानुमते निवड करण्यात आली आहे.
यापूर्वीचे अध्यक्ष संतोष पांडुरंग जवळकर व उपाध्यक्ष धनंजय जवळकर यांचा एक वर्षाचा कार्यकाळ संपल्याने ही निवड करण्यात आली. या संदर्भात श्री म्हातोबा जोगेश्वरी व पिरसाहेब उत्सव कमिटीची बैठक नुकतीच पार पडली.
या बैठकीत सर्वानुमते अध्यक्षपदी लक्ष्मण भोंडवे यांची तर उपाध्यक्ष पांडुरंग भोंडवे यांची निवड करण्यात आली आहे.
यावेळी हवेली तालुका राष्ट्रवादी कॉंग्रेसचे तालुकाध्यक्ष दिलीप वाल्हेकर, भगवान जवळकर, माजी सरपंच अशोक जवळकर, माजी उपसरपंच तेजस शिवरकर, माजी तंटामुक्ती अध्यक्ष दत्तात्रय जवळकर, शंकर जवळकर, माजी अध्यक्ष हरिभाऊ भोंडवे, युवा नेते गणेश जवळकर, प्रकाश जवळकर, प्रतिक शिंदे, बाबा जवळकर, आदी ग्रामस्थ उपस्थित होते.
