पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, नागपूर महापालिकेत रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
नागपूर महापालिकेत सहाय्यक पशुवैद्य, कनिष्ठ पशुवैद्य या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला नागपूर येथे जाऊन नोकरी करावी लागणार आहे. या प्रक्रियेंतर्गत एकूण 4 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
अशी असेल भरती प्रक्रिया…
– पदाचे नाव : सहाय्यक पशुवैद्य, कनिष्ठ पशुवैद्य.
– एकूण रिक्त पदे : 04 पदे.
– नोकरीचे ठिकाण : नागपूर.
– वेतन / मानधन : दरमहा रु. 40,000/- (सहाय्यक पशुवैद्य) आणि रु. 35,000/- (कनिष्ठ पशुवैद्य).
– वयोमर्यादा : 43 वर्षे.
– निवड प्रक्रिया : मुलाखत.
– मुलाखतीची तारीख : 27 फेब्रुवारी 2024.
– मुलाखतीचा पत्ता : नागपूर महानगरपालिका, छत्रपती शिवाजी महाराज प्रशासकीय इमारत, सिव्हिल लाईन्स, नागपूर
– या भरती प्रक्रियेबाबत अधिक माहितीसाठी अधिकृत वेबसाईट https://www.nmcnagpur.gov.in/ वरून माहिती घेता येणार आहे.
