आदित्य बोराटे
Indapur news : इंदापूर, (पुणे) : धर्मवीर छत्रपती संभाजी महाराजांची ३६९ वी जयंती इंदापूर शहरात उत्साहात साजरी करण्यात आली.आयकॉलेज समोरील छत्रपती संभाजी महाराज यांच्या पुतळ्यास नगराध्यक्ष भरत शहा, उपनगराध्यक्ष बाळासाहेब ढवळे यांनी पुष्पहार अर्पण करत अभिवादन केले.‘छत्रपती शिवाजी महाराज की जय’, ‘संभा की जय बोलो, शिवा की जय बोलो’ अशा गगनभेदी घोषणांनी शहर दुमदुमले.
इंदापुरातील आयकॉलेज समोरील छत्रपती संभाजी महाराज पुतळ्यासमोर रात्री बारा वाजता फटाक्यांची तुफान आतषबाजी करण्यात आली. संपूर्ण चौकात फुलांच्या माळांनी शुभोभीकरण करण्यात आले, सकाळपासूनच पुतळ्यासमोर विविध पक्षातील पदाधिकारी, संघटनांतील कार्यकर्ते यांनी संभाजी महाराज यांच्या पुतळ्यास पुष्पहार अर्पण करून अभिवादन केले.तसेच शुक्रवारी सायंकाळी सात वाजता शिवशंभो गर्जना कार्यक्रमाचे आयोजन सामाजिक कार्यकर्ते प्रशांत उंबरे युवामंचच्या वतीने करण्यात आले आहे.यामध्ये महिलांसाठी स्वतंत्र बैठक व्यवस्था देखील करण्यात आल्याचे आयोजकाकडून सांगण्यात आले.
यावेळी इंदापूर नगरपालिकेचे नगराध्यक्ष भरत शहा,उपनगराध्यक्ष बाळासाहेब ढवळे, नगरसेवक अक्षय सूर्यवंशी, शकील सय्यद,शुभम पवार,उमेश मखरे, पोपट शिंदे, सामाजिक कार्यकर्ते ॲड.किरण लोंढे, ॲड.रवीशेठ पवार, स्वप्निल राऊत, भारत शिंदे, सौरभ शिंदे, गौरव राऊत, निखिल महाजन, मनोज राजगुरू, अमोल माने, वसीम बागवान आदी उपस्थित होते.
