महाराष्ट्र – उष्णतेच्या लाटेत त्रस्त असलेल्या महाराष्ट्राला अवकाळी पावसाने दिलासा दिला आहे. अरबी समुद्र आणि बंगालच्या उपसागरावर तयार झालेल्या बाष्पयुक्त वाऱ्यांमुळं महाराष्ट्रात अवकाळी पावसाने हजेरी लावली आहे. मात्र, पावसामुळे पिकांचे, विशेषतः गहू आणि द्राक्षांचे भरपूर नुकसान झाले आहे. पुढील3 दिवस पावसाचा जोर कायम राहण्याची शक्यता आहे. काही भागात मुसळधार पाऊस पडण्याची शक्यता भारतीय हवामानशास्त्र विभागाने (IMD) वर्तवली आहे. नाशिक, पुणे, सातारा, सांगलीसह अनेक जिल्ह्यांना ऑरेंज अलर्ट जारी करण्यात आला आहे. अनेक राज्यांना अतिवृष्टी आणि जोरदार वाऱ्याचा इशारा देण्यात आला आहे. पिकांचे नुकसान झाल्याने राज्यातील शेतकरी चिंतेत आहेत. नाशिकमधील एका शेतकऱ्याने सांगितले की, ” अवकाळी पावसामुळे आमच्या गव्हाच्या पिकाचे नुकसान झाले आहे, जे कापणीसाठी तयार होते.” आता आम्ही संकटात सापडलो आहे. कर्नाटक, तामिळनाडू भागांमध्येही कमी दाबाचा पट्टा तयार झाला. तसेच यामुळे मध्य महाराष्ट्रावर अवकाळी पाऊस, गारपिटीचे संकट घोंगावत आहे.

वाढत्या तापमानाचा सामना करणाऱ्या शहरांना पावसामुळे दिलासा मिळाला आहे. भारताला काही भागात गडगडाटी वादळे आणि वादळाचा इशारा देण्यात आला आहे. एप्रिल महिन्यात परिस्थिती मात्र उलट असणार आहे. हवामान विभागाने वर्तवलेल्या अंदाजानुसार एप्रिल महिन्यात भारतातील अनेक राज्यात नागरिकांना उष्णतेच्या झळा सोसाव्या लागणार आहेत. 2-3 दिवस अवकाळी पावसाची शक्यता असली तरी येत्या काळात उन्हाची दाहकता सहन करावी लागणार आहे.







